Mose I, 45:16 - BAIBLO ALOO NGMAMI KLƆUKLƆU Ɔ

¹⁶ Benɛ munyu ɔ ya pɛ ngɛ matsɛ we ɔ mi kaa Yosef nyɛmimɛ ɔmɛ ba a, Farao ɔ kɛ e tsɔli ɔmɛ a bua jɔ.

Mose I, 45:16 ပူးပေါင်းရင်းမြစ်များ

Ni Tsumi 7:13

Benɛ a kpale ya lejɛ ɔ si enyɔne ɔ, Yosef je e he si ngɔ ha e nyɛmimɛ ɔmɛ, nɛ Egipt matsɛ ɔ hu ba le Yosef weku ɔ.

Ni Tsumi 6:5

Nɔ́ nɛ bɔfo ɔmɛ de ɔ, asafo ɔ kplɛɛ nɔ, nɛ a hla Stefano, nyumu ko nɛ ngɛ hemi kɛ yemi, nɛ Mumi Klɔuklɔu ɔ ngɛ e mi saminya a, kɛ Filipo, kɛ Prokoro, kɛ Nikanor, kɛ Timon, kɛ Parmena, kɛ Nikolao, ma je no nɛ je Antiokia nɛ tsake ba sɛ Yuda bi a jami ɔ mi be ko ɔ.

Ester 5:14

Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Ester 2:4

Lɔ ɔ se ɔ, ngɔɔ yiheyo nɛ o suɔ pe kulaa ngɛ a kpɛti, nɛ o wo lɛ manyɛ ngɛ Vashti nane mi.” Ga nɛ a wo nɛ ɔ sa matsɛ ɔ hɛ mi, nɛ e pee ja.

Ester 1:21

Ga nɛ Memukan wo nɛ ɔ sa matsɛ ɔ, kɛ ganɔ ɔmɛ a hɛ mi, nɛ matsɛ ɔ pee ja.

Kronika II, 30:4

Blɔ nya tomi nɛ ɔ sa matsɛ ɔ, kɛ ma a tsuo a hɛ mi.

Samuel II, 3:36

Ma a yɔse nɔ́ nɛ ɔ, nɛ e sa a hɛ mi. Niinɛ, nɔ́ tsuaa nɔ́ nɛ matsɛ ɔ pee ɔ sa ma a hɛ mi saminya.

Mose V, 1:33

be mi nɛ lɛɛ daa nɛ ɔ e nyɛɛ nyɛ hɛ mi kɛ ngɛ sito he hlae ha nyɛ. Nyɔ mi ɔ, e nyɛɛ nyɛ hɛ mi kɛ la titima, nɛ piani ɔ, e nyɛɛ nyɛ hɛ mi ngɛ bɔku titima mi kɛ tsɔɔ nyɛ blɔ.

Mose I, 41:33

“Lɔ ɔ he ɔ, mo hla nɔ ko nɛ le ní, nɛ e hɛ mi ka si nɛ o ngɔ to Egipt ma a nya.

Mose I, 34:18

Hamor kɛ e bi Shekem kplɛɛ kaa nɔ́ nɛ Yakob binyumu ɔmɛ bi ɔ, a maa pee.

Mose I, 20:15

Abimelek de Abraham ke, “O nɛ, ye zugba nɛ ngɛ o hɛ mi tilaa a nɛ; he tsuaa he nɛ o suɔ ɔ, moo hi lejɛ ɔ.”

Mose I, 16:6

Abram he nɔ ke, “Saminya! O mawayo ji lɛ; e ngɛ o dɛ mi. Nɔ́ tsuaa nɔ́ nɛ o suɔ kaa o maa pee lɛ ɔ, pee lɛ.” Lɔ ɔ he ɔ, Sarai doo Hagar nya wawɛɛ nitsɛ, nɛ Hagar tu fo kɛ je e he.

Mose I, 45:15

Jehanɛ, benɛ Yosef ngɛ ya foe kɛ mwɔɔ ɔ, e fua e nyɛmimɛ ɔmɛ kakaaka, nɛ e fiɔ a nya he. Kɛkɛ nɛ e nyɛmimɛ ɔmɛ kɛ lɛ bɔni ní sɛɛmi.

Mose I, 45:17

Farao ɔ de Yosef ke, “De o nyɛmimɛ ɔmɛ ke a wo a lohwe ɔmɛ a nɔ ní, nɛ a kpale kɛ ho Kanaan zugba a nɔ ya.

Mose I, 41:37

Ga nɛ Yosef wo nɛ ɔ sa Farao ɔ kɛ e tsɔli ɔmɛ tsuo a hɛ mi.