Mose I, 45:10 - BAIBLO ALOO NGMAMI KLƆUKLƆU Ɔ

¹⁰ O ma ba hi Goshen zugba a nɔ, ngɛ ye kasa nya. O kɛ o bimɛ ɔmɛ, o bibimɛ ɔmɛ, o to ɔmɛ, o na amɛ, kɛ o weto ní tsuo nɛ ba.

Mose I, 45:10 ပူးပေါင်းရင်းမြစ်များ

Mose II, 9:26

Se Goshen zugba a nɔ he nɛ Israel bi ɔmɛ ngɛ ɔ lɛɛ gbiɛ ngo ngu kake po nɔɛ lejɛ ɔ.

Mose II, 8:22

Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Ni Tsumi 7:14

Jehanɛ Yosef tsɔ ke a ya ngɔ e tsɛ Yakob kɛ e we ɔ tsuo, nimli maa pee nyingmi kpaago kɛ enuɔ ɔ kɛ ba.

Mose I, 47:1

Yosef hla e nyɛmimɛ ɔmɛ a ti nihi enuɔ, nɛ e kɛ mɛ ya tsɔɔ Farao ɔ. Yosef de Farao ɔ ke, “Tsaatsɛ kɛ ye nyɛmimɛ ɔmɛ je Kanaan zugba a nɔ kɛ ba. A kɛ a tohi, kɛ a nahi, kɛ a weto ní tsuo ba. Amlɔ nɛ ɔ, a pueɔ si ngɛ Goshen zugba a nɔ.”

Mose I, 47:6

Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Mose I, 47:4

Wa ba nɛ wa ba hi hiɛmɛ nɛ ɔ bɔɔ. Wa nɛ niye ní ha wa lohwe ɔmɛ ngɛ Kanaan zugba a nɔ, ejakaa hwɔ ɔ nya wa ngɛ lejɛ ɔ wawɛɛ nitsɛ. Wa kpa mo pɛɛ nɛ o ha nɛ waa hi Goshen zugba a nɔ.”

Mose I, 47:12

Yosef ha e tsɛ, kɛ e nyɛmimɛ ɔmɛ, kɛ e tsɛ weku li ɔmɛ, kɛ a bimɛ tsɔwitsɔwi ɔmɛ tsuo niye ní, bɔ nɛ su nɔ tsuaa nɔ nya.

Ester 10:3

Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.