Mose I, 45:1 - BAIBLO ALOO NGMAMI KLƆUKLƆU Ɔ

¹ Jehanɛ lɛɛ Yosef nyɛ we nɛ e mia e hɛ mi hu ngɛ e tsɔli ɔmɛ nɛ daa si ɔ a hɛ mi. Lɔ ɔ he ɔ, e fa mɛ ke mɛ tsuo a je tsu ɔ mi. Benɛ tsɔli ɔmɛ tsuo je lejɛ ɔ, Yosef je e he si ngɔ tsɔɔ e nyɛmimɛ ɔmɛ.

Mose I, 45:1 ပူးပေါင်းရင်းမြစ်များ

Mateo 18:15

“Ke o nyɛmi pee mo yayami ɔ, yaa nɛ o ya tsɔɔ lɛ e tɔmi ɔ, o kɛ lɛ ni enyɔ kɛkɛ. Ke e bu mo tue ɔ, kɛkɛ nyɛmi pee nyɛmi.

1 Korintobi 13:5

Suɔmi pee we níhi nɛ sɛ́; e fo we lɛ nɔ kake too e nɔ́ mi; e mi mi wui la, nɛ e kɛ nɔ ko tɔmi wui e mi.

Ni Tsumi 10:41

wɔ nihi nɛ Mawu hla ngɔ to momo kaa odase yeli ɔ, se pi nɔ tsuaa nɔ. Wɔ ji ni nɛmɛ nɛ e kɛ wɔ ye ní nɛ wa nu ní, benɛ e te si kɛ je gbeje se ɔ.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yesaya 42:14

Mawu ke, “I pee kpoo hluu; i ma ye nya, nɛ i ye ye he nɔ. Se jehanɛ lɛɛ be ɔ su; ma kpa ngmlaa kaa yo nɛ nu kɔɔmi, ma kɛmɛ kaa nɔ nɛ mumi nya ngɛ tae.

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Ni Tsumi 7:13

Benɛ a kpale ya lejɛ ɔ si enyɔne ɔ, Yosef je e he si ngɔ ha e nyɛmimɛ ɔmɛ, nɛ Egipt matsɛ ɔ hu ba le Yosef weku ɔ.

Mose I, 44:34

Kɛ ma pee kɛ kpale kɛ ya tsaatsɛ ngɔ kɛɛ, nɛ niheyo wayo ɔ piɛ we ye he kɛ yɛ? Aywilɛho nɛ maa pee tsaatsɛ ɔ, i be nyɛe ma hyɛ.”

Samuel II, 13:9

Lɔ ɔ se ɔ, e plɛ tatale ɔ ngɛ nisi kã a mi, nɛ e ngɔ kɛ ya ma Amnon hɛ mi; se e kua yemi. Amnon de ke, “Nɔ tsuaa nɔ nɛ e je hiɛ ɔ!” Nɛ ni ɔmɛ tsuo je lejɛ ɔ.

Mose I, 42:24

Yosef je a he, nɛ e ya fo ya. Benɛ e kpale e se kɛ ba, nɛ e kɛ mɛ ba tu munyu ekohu ɔ, e je Simeon ngɛ a kpɛti, nɛ e ha a fi lɛ ngɛ a hɛ mi.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.