Mose I, 43:3 - BAIBLO ALOO NGMAMI KLƆUKLƆU Ɔ

³ Yuda de lɛ ke, “Nyumu ɔ je blɔ wo si kaa ke waa kɛ wa nyɛmi ɔ bɛ ɔ, wa be e hɛngmɛ mi nae.

Mose I, 43:3 ပူးပေါင်းရင်းမြစ်များ

Mose I, 44:23

Se o kplɛɛ we. O de wɔ ke, ‘Ke nyɛɛ kɛ nyɛ nyɛmi wayo ɔ bɛ nɛ ma na lɛ ɔ, lɛɛ nyɛ be ye hɛ mi nae.’

Mose I, 43:5

Se ke o kplɛɛ we nɛ e kɛ wɔ nɛ ya a, wɔ hu wa be yae; ejakaa nyumu ɔ de wɔ ke ke waa kɛ wa nyɛmi ɔ bɛ ɔ, wa be e hɛngmɛ mi nae.”

Ni Tsumi 20:38

Nɔ́ nɛ dɔ mɛ pe kulaa ji munyu nɛ je e nya ke, “Nyɛ be ye hɛ mi nae gblegbleegble hu ɔ.” Jehanɛ a ya je lɛ blɔ kɛ ya su lɛ ɔ he tɔɔ.

Ni Tsumi 20:25

“I kpa nyɛ tsuo nyɛ nɔ, nɛ i fiɛ Mawu matsɛ yemi ɔ he sane ɔ tsɔɔ nyɛ. Amlɔ nɛ ɔ, i le kaa nyɛ ti nɔ ko be mi nae hu.

Ni Tsumi 7:34

Amanehlu nɛ ye ma a ngɛ nae ngɛ Egipt ɔ, i le; nɛ i nu a kɛmɛmi ɔ hulɔ. Lɔ ɔ he ɔ, i kpale se kɛ ma ma ba je mɛ. Hyɛ, ma tsɔ mo Egipt.’

Samuel II, 14:32

Absalom he nɔ ke, “Ejakaa i tsɔ ba tsɛ mo, nɛ o bɛ. Jinɛ i ngɛ hlae nɛ ma tsɔ mo matsɛ ɔ ngɔ nɛ o ya bi lɛ ha mi ke, ‘Mɛni he je i je Geshur kɛ ba hiɛ ɔ? Kaa i ngɛ lejɛ ɔ mohu kɛ ba si piɔ jinɛ i ko suɔ.’ ” Absalom ya nɔ nɛ e de ke, “I suɔ nɛ o ya sɛ mi matsɛ ɔ ngɔ; nɛ ke e ba mi kaa i ye fɔ ɔ, lɛɛ e gbe mi.”

Samuel II, 14:28

Absalom hi Yerusalem jeha enyɔ sɔuu nɛ e nɛ matsɛ ɔ hɛ mi.

Samuel II, 14:24

Se matsɛ ɔ de ke, “É ho nɛ e ya hi lɛ nitsɛ e we ɔ mi banee; i hla we nɛ ma na e hɛ mi.” Lɔ ɔ he ɔ, Absalom ho ya hi lɛ nitsɛ e we ɔ mi; nɛ e yɛ matsɛ ɔ ngɔ.

Samuel II, 3:13

Heto nɛ David ha kɛ mane ji, “Saminya! I kɛ mo maa so somi nɛ ɔ. Se nɔ́ nɛ i ngɛ hlae nɛ o pee ha mi ji kaa ke o ma a, o kpaka Saul biyo Mikal ba ha mi. Ke pi ja a, lɛɛ i hla we nɛ ma na o hɛ mi.”

Mose I, 43:2

Benɛ Yakob kɛ e we mi bi ɔmɛ ye blɛfo ɔ nɛ a kɛ je Egipt kɛ ba a tsuo ta a, Yakob de e bimɛ ɔmɛ ke, “Nyɛɛ kpale kɛ ya, nɛ nyɛ ya he niye ní bɔɔ kɛ ba.”

Mose I, 43:4

Ke o ma ha nɛ wa nyɛmi ɔ maa piɛ wa he kɛ ya a, wa maa ya nɛ wa ya he niye ní ba ha mo.