Mose I, 43:16 - BAIBLO ALOO NGMAMI KLƆUKLƆU Ɔ

¹⁶ Benɛ Yosef na Benyamin ngɛ a kpɛti ɔ, e de nyumu ɔ nɛ hyɛɛ e we ɔ nɔ ɔ ke, “O kɛ nyumu nɛ ɔmɛ nɛ ya ye we ɔ mi. A kɛ mi maa ye ní piani nɛ ɔ; lɔ ɔ he ɔ, yaa gbe lohwe nɛ o pee niye ní ngɔ to.”

Mose I, 43:16 ပူးပေါင်းရင်းမြစ်များ

Mose I, 44:1

Jehanɛ, Yosef fa tsɔlɔ ɔ nɛ hyɛɛ e we ɔ nɔ ɔ ke, “Wo nyumu ɔmɛ a kotoku ɔmɛ a mi blɛfo nɛ a hyi tɔtɔɔtɔ, bɔ nɛ a ti nɔ tsuaa nɔ ma nyɛ tloo; nɛ o ngɔ nɔ tsuaa nɔ sika kɛ wo e kotoku ɔ mi.

Mose I, 43:19

Enɛ ɔ he je ɔ, a ya na tsɔlɔ ɔ nɛ hyɛɛ Yosef we ɔ nɔ ɔ ngɛ agbo ɔ nya, nɛ a de lɛ ke,

Abɛ Womi 9:2

E gbe lohwe; e futu wai, nɛ e ngmɛ okplɔɔ.

Samuel I, 25:11

Lɔ ɔ he ɔ, ma ngɔ ye abolo, ye nyu, kɛ lohwehi nɛ i gbe ha ye to he bwɔmi sali ɔ ngɔ ha nihi nɛ i li he nɛ a je ɔ lo?”

Mose I, 44:4

Benɛ a je ma a mi, nɛ a sui he ko tsitsaa lolo ɔ, Yosef de tsɔlɔ ɔ nɛ hyɛɛ e we ɔ nɔ ɔ ke, “Tee si esɔ, nɛ o nyɛɛ nyumu ɔmɛ a se. Ke o ya na mɛ ɔ, bi mɛ ke, ‘Mɛni he je nyɛɛ kɛ yayami to kpakpa nɛ a pee nyɛ ɔ nane mi ɔ?

Mose I, 31:54

Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.

Mose I, 26:30

Isak tsɛ mɛ ní yemi nɛ a ye ní, nɛ a nu nɔ́ ko.

Mose I, 21:8

Jokuɛ ɔ ba wa, nɛ a tsɔ lɛ nyɔ. Ligbi ɔ nɛ a tsɔ Isak nyɔ ɔ, Abraham ngmɛ okplɔɔ ngua ko.

Mose I, 15:2

Se Abram he nɔ ke, “Yawɛ Mawu, o gbaami ɔ, mɛni he se ma na, imi nɛ i be bi ɔ? Nɔ pɛ nɛ yeɔ ye ní ji Eliezer nɛ je Damasko ɔ.

Mose I, 43:17

Tsɔlɔ ɔ pee kaa bɔ nɛ Yosef fa lɛ ɔ, nɛ e kɛ nyumu ɔmɛ ho Yosef we ɔ mi ya.