Mose I, 42:6 - BAIBLO ALOO NGMAMI KLƆUKLƆU Ɔ

⁶ Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Mose I, 42:6 ပူးပေါင်းရင်းမြစ်များ

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

Mose I, 45:26

A ba bɔ lɛ amaniɛ ke, “Yosef ngɛ je mi kɛ mwɔɔ, nɛ lɛ ji nɔ nɛ ngɛ Egipt zugba a tsuo nɔ yee!” Yakob he mi po, ejakaa e he we mɛ yi.

Mose I, 45:8

Tsa pi nyɛ nɛ nyɛ ha i ba hiɛ ɔ; Mawu mohu lɛ ha nɛ i ba hiɛ ɔ nɛ. E ngɔ mi ngɔ pee Farao ɔ ga wolɔ; imi lɛ i hyɛɛ e we ɔ nɔ, nɛ imi lɛ i yeɔ Egipt zugba a tsuo nɔ.

Mose I, 44:14

Benɛ Yuda kɛ e nyɛmimɛ ɔmɛ ba Yosef we ɔ mi ɔ, Yosef ngɛ lejɛ ɔ kɛ mwɔɔ. Kɛkɛ nɛ a kpla si, nɛ a kɛ a hɛ mi bu si ngɛ e hɛ mi.

Mose I, 19:1

Benɛ Yawɛ bɔfo enyɔ ɔmɛ ba su Sodom jamɛ a gbɔkuɛ ɔ, Lot hii si ngɛ ma a agbo ɔ nya. Benɛ e na mɛ pɛ, e te si nɛ e ya kpee mɛ. E kpla si nɛ e kɛ e hɛ mi bu si,

Mose I, 18:2

nɛ e wo e yi nɔ ɔ, e na nyumu ni etɛ komɛ nɛ ma e ngɔ. Benɛ e na mɛ ɔ, e tu fo kɛ je bo tsu sinya a nya nɛ e ya kpee mɛ. E kpla si nɛ e kɛ e hɛ mi bu si,

Mose I, 33:3

Yakob nitsɛ lɛɛ e sɛ hlami, nɛ benɛ e kɛ e nyɛmi ɔ maa ho buami ya a, e kpla si nɛ e kɛ e hɛ mi bu si si kpaago.

Mose I, 41:43

E kɛ lɛ wo matsɛ ta zugba lɛ enyɔne ɔ mi, nɛ matsɛ tsɔli nyɛɛ e hɛ mi kɛ ngmlaa ke, “Nyɛ kpla si oo! E ma oo!” Bɔ nɛ a pee kɛ wo Yosef ganɔ ngɛ Egipt zugba a tsuo nɔ ji nɛ ɔ nɛ.

Mose I, 48:12

Kɛkɛ nɛ Yosef je jokuɛwi ɔmɛ kɛ je e tsɛ ɔ tɛ nɔ; nɛ e kpla si ngɛ e hɛ mi, nɛ e ngɔ e hɛ mi ngɔ bu si.

Samuel I, 20:41

Benɛ niheyo ɔ je ɔ, David te si kɛ je tɛ nɛ a bua nya a se. E ba kpla si nɛ e kɛ e hɛ mi bu si si etɛ; nɛ e kɛ Yonatan fua a sibi, nɛ a fo ya ngɔ pue a sibi a nɔ. Se David aywilɛho ɔ nya wa pe Yonatan nɔ́ ɔ.

Abɛ Womi 11:26

Nɔ nɛ tsiɔ blɛfo nya a, ma a maa gbiɛ lɛ. Se nɔ nɛ juaa blɛfo lɛɛ a maa gbaa lɛ.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Mose I, 41:54

nɛ jeha kpaago kɛ e mi hwɔ nɛ nya wa hu je sisi kaa bɔ nɛ Yosef de ɔ pɛpɛɛpɛ. Hwɔ nɛ nya wa ye ngɛ zugba amɛ tsuo a nɔ; se Egipt zugba a nɔ tsuo lɛɛ niye ní ngɛ.

Mose I, 41:57

Nihi je je ma amɛ tsuo a mi kɛ ba Egipt nɛ a ba he blɛfo ngɛ Yosef dɛ; ejakaa hwɔ ɔ nya wa wawɛɛ nitsɛ ngɛ he tsuaa he.