Mose I, 42:25 - BAIBLO ALOO NGMAMI KLƆUKLƆU Ɔ

²⁵ Yosef fa e tsɔli ɔmɛ ke a wo e nyɛmimɛ ɔmɛ a blɛfo kotoku ɔmɛ a mi blɛfo nɛ a hyi tɔtɔɔtɔ. Jehanɛ se hu, e fa ke a kpale nɔ tsuaa nɔ sika nɛ e hɛɛ kɛ ba a kɛ wo e kotoku ɔ mi, nɛ a ha mɛ niye ní nɛ a ya ye ngɛ blɔ ɔ nɔ. Tsɔli ɔmɛ pee ja.

Mose I, 42:25 ပူးပေါင်းရင်းမြစ်များ

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

Yesaya 55:1

Yawɛ ke, “Kuuwi, nyɛ nihi tsuo nɛ kuma ngɛ nyɛ yee, nyu babaaba ngɛ hiɛ ɔ ha nyɛ! Nyɛ nihi nɛ nyɛ be sika hu, nyɛɛ ba; nyɛ ba he niye ní nɛ nyɛɛ ye! Nyɛɛ ba nyɛ ba he dã, kɛ na nyɔ nyu e hia we sika; a jua we!

Mose I, 45:21

Yakob bimɛ ɔmɛ pee kaa bɔ nɛ a de mɛ ɔ. Yosef ha mɛ ta zugba lɛhi kaa bɔ nɛ Farao ɔ fa ke a pee ɔ; nɛ e ha mɛ niye ní nɛ a maa ye ngɛ blɔ ɔ nɔ hulɔ.

Mose I, 42:26

Yosef nyɛmimɛ ɔmɛ fi blɛfo ɔ nɛ a he ɔ ngɔ fɔ a teji ɔmɛ a nɔ, nɛ a pue blɔ.

Mose I, 43:12

Jehanɛ, nyɛɛ hɛɛ sika nɛ nyɛɛ kɛ ma he ní ɔ, nɛ nyɛɛ ngɔ nɔ́ nɛ a kpale ngɔ wo kotoku ɔmɛ a mi ha nyɛ ɔ kɛ ho; eko piɔ, e be a hɛ mi.