Mose I, 42:13 - BAIBLO ALOO NGMAMI KLƆUKLƆU Ɔ

¹³ A de Yosef ke, “Nyumu kake bimɛ ji wɔ; wa tsɛ je Kanaan zugba a nɔ. Jinɛ nyɛmimɛ nyɔngma kɛ enyɔ ji wɔ; se wa ti nɔ kake be je mi, nɛ jokuɛyo ɔ hu ngɛ wa tsɛ ngɔ.”

Mose I, 42:13 ပူးပေါင်းရင်းမြစ်များ

Mose I, 37:30

E kpale kɛ ho e nyɛmimɛ ɔmɛ a ngɔ ya, nɛ e ya de mɛ ke, “Jokuɛ niheyo ɔ be lejɛ ɔ. Bubuubui! Kɛ ma pee kɛɛ?”

Mose I, 44:20

Wa de mo ke, ‘Wa tsɛ ngɛ je mi se e bwɔ. Wa senɔ nɛ ji wa tsɛ nakutsomibi nɛ e fɔ ngɛ e bwɔmi si hu ngɛ. Lɛ nɔ ɔ e nyɛminyumu ɔ gbo, nɛ lɛ pɛ ji e nyɛbi nɛ piɛ; lɔ ɔ he ɔ, wa tsɛ suɔ lɛ saminya.’

Mose I, 42:32

Nyumu kake bimɛ ji wɔ. Jinɛ nyɛmimɛ nyɔngma kɛ enyɔ ji wɔ; se wa ti nɔ kake be je mi, nɛ jokuɛyo ɔ hu ngɛ wa tsɛ ngɔ ngɛ Kanaan zugba a nɔ.’

Mose I, 43:7

A he nɔ ke, “Nyumu nɛ ɔ ta wa nya mi saminya kɛ bi wɔ níhi nɛ kɔɔ wɔ nitsɛmɛ, kɛ wa weku li a he. E bi wɔ ke, ‘Nyɛ tsɛ ngɛ je mi kɛ mwɔɔ lo? Nyɛ ngɛ nyɛmi kpa ko hu lo?’ Wɔɔ lɛɛ e munyu ɔmɛ a heto kɛkɛ wa ha lɛ. Kɛ wa maa pee kɛ le kaa e ma de wɔ ke waa ngɔ wa nyɛmi ɔ kɛ ba kɛɛ?”

Mateo 2:18

“A nu gbi ko ngɛ Rama, kɔmɔ yemi kɛ ya boboobo. Rahel ngɛ e bimɛ ɔmɛ foe, nɛ e kplɛɛ we kpatami, ejakaa e bimɛ ɔmɛ gbo.”

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.

Yeremia 31:15

Yawɛ ke, “A nu gbi ko ngɛ Rama, kɔmɔ yemi kɛ ya fomi nɛ nya wa, Rahel ngɛ e bimɛ ɔmɛ foe nɛ e kplɛɛ we kpatami, ejakaa a be hu.

Mose I, 45:26

A ba bɔ lɛ amaniɛ ke, “Yosef ngɛ je mi kɛ mwɔɔ, nɛ lɛ ji nɔ nɛ ngɛ Egipt zugba a tsuo nɔ yee!” Yakob he mi po, ejakaa e he we mɛ yi.

Mose I, 44:28

Ligbi ko ɔ, a ti nɔ kake je kpo, nɛ i nɛ lɛ hu kɛ ba si piɔ; daa nɛ ɔ, i susuɔ kaa pu mi lohwehi nɛ a tsɔtslɔɔ e mi.

Mose I, 42:38

Se Yakob de ke, “Ye bi ɔ kɛ nyɛ be yae; e nyɛmi ɔ gbo, nɛ lɛ nɔ kake too e piɛ. Ke i kɛ lɛ ha nyɛ ɔ, nɔ́ ko ma ya pee lɛ ngɛ blɔ ɔ nɔ. I bwɔ, nɛ nyɛ ma ha nɛ i kɛ aywilɛho maa ya gbeje.”

Mose I, 42:36

Kɛkɛ nɛ a tsɛ Yakob de mɛ ke, “Nyɛ ma ha ye bimɛ ɔmɛ ma gbo ta ye he lo? Yosef be; Simeon be; nɛ jehanɛ, nyɛ ngɛ hlae nɛ nyɛɛ ngɔ Benyamin hu kɛ ho. Nɔ yeyee maa hi mi pee kikɛ nɛ ɔ!”

Mose I, 42:11

Nyumu kake bimɛ ji wɔ tsuo. Anɔkualetsɛmɛ ji wɔ; pi slaali ji wɔ.”

Mose I, 42:12

Yosef de mɛ ke, “Dɛbi! Nyɛ ba nɛ nyɛ ba hyɛ he nɛ wa huza amɛ a he wɛ ngɛ.”

Mose I, 42:14

Yosef he nɔ ke, “Tse i de! Nɔ́ nɛ i de ɔ ji nɛ ɔ nɛ; slaali ji nyɛ!

Mose I, 43:29

Benɛ Yosef na e nyɛmi Benyamin, e nyɛbi ɔ, e de ke, “Nyɛ nyɛmi jokuɛyo ɔ nɛ nyɛ wo e biɛ ta a ji nɛ ɔ lo? Ye bi, Mawu nɛ gbaa mo!”