Mose I, 42:10 - BAIBLO ALOO NGMAMI KLƆUKLƆU Ɔ

¹⁰ A he nɔ ke, “Dɛbi! Wa nyɔmtsɛ, wa kpa mo pɛɛ, niye ní wa ma hemi.

Mose I, 42:10 ပူးပေါင်းရင်းမြစ်များ

Mose I, 37:8

E nyɛmimɛ ɔmɛ bi lɛ ke, “Lɛɛ tse o ma ba ye wa nɔ matsɛ, pi ja lo?” Nlami ɔ nɛ Yosef sɛɛ ha e nyɛmimɛ ɔmɛ ha nɛ e nyɛmimɛ ɔmɛ nyɛ lɛ pe kekle ɔ.

Matsɛmɛ I, 18:7

Benɛ Obadia ngɛ e blɔ ɔ nɔ kɛ yaa a, e kɛ Eliya ya kpe tlukaa. Obadia le Eliya mi tso, nɛ e kpla si ngɛ e hɛ mi, nɛ e bi ke, “Anɛ mo tutuutu lo, ye nyɔmtsɛ Eliya?”

Samuel I, 26:17

Saul yɔse David gbi, nɛ e bi ke, “Ye bi David, mo ji nɛ ɔ?” David he nɔ ke, “Ee, ye nyɔmtsɛ matsɛ, imi!”

Mose I, 44:9

Ke a na nɔ́ nɛ ɔ ngɛ wa ti nɔ ko dɛ mi ɔ, a gbe lɛ, nɛ wɔ ni nɛmɛ nɛ piɛ ɔ, wa maa pee o nyɔguɛhi.”

Mose I, 27:37

Isak he nɔ ke, “I pee lɛ o nyɔmtsɛ momo, nɛ i pee nyɛ e nyɛmimɛ ɔmɛ tsuo e nyɔguɛhi. I ha lɛ ngma kɛ wai. Lɔ ɔ he ɔ, ye bi, nɔ́ ko pa be nɛ ma pee ha mo!”

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Mose I, 42:11

Nyumu kake bimɛ ji wɔ tsuo. Anɔkualetsɛmɛ ji wɔ; pi slaali ji wɔ.”