Mose I, 41:8 - BAIBLO ALOO NGMAMI KLƆUKLƆU Ɔ

⁸ Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Mose I, 41:8 ပူးပေါင်းရင်းမြစ်များ

Daniel 4:7

Kɛkɛ nɛ womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ ba ye ngɔ, nɛ i bɔ mɛ ye nlami ɔ; se a nyɛ we nɛ a tsɔɔ mi sisi.

Mose II, 7:22

Egipt kunya yeli ɔmɛ gu a ga blɔ ɔmɛ a nɔ nɛ a pee ja nɔuu. Se Farao ɔ lɛɛ e kplii e tsui kaa sa a. Nɛ kaa bɔ nɛ Yawɛ de ngɔ to ɔ, e bui mɛ tue fɛɛ.

Mateo 2:1

Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Daniel 4:5

Se ligbi ko benɛ i hwɔ mahe ɔ, i nla nlami ko, nɛ i na nina ko nɛ wo ye he gbeye.

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Mose II, 7:11

Kɛkɛ nɛ Farao ɔ hu tsɛ e ní leli ɔmɛ, kɛ kunya yeli ɔmɛ nɛ ji Egipt wɔnɔ ɔmɛ kɛ ba, nɛ mɛ hu a gu a ga blɔ ɔmɛ a nɔ kɛ pee ja nɔuu.

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Mose II, 8:7

Se Egipt wɔnɔ ɔmɛ hu gu a ga blɔ ɔmɛ a nɔ kɛ pee ja nɔuu, nɛ a ha ovɔnɔhi fuu ba Egipt zugba a nɔ.

Mose I, 40:8

A he nɔ ke, “Wa ti nɔ tsuaa nɔ nla nlami ko, nɛ nɔ ko be nɛ maa tsɔɔ wɔ sisi.” Yosef de mɛ ke, “Mawu lɛ tsɔɔ nlamihi a sisi; i kpa nyɛ pɛɛ nɛ nyɛɛ sɛɛ nlami ɔmɛ ha mi.”

Mose I, 40:6

Mɔtu, benɛ Yosef ba a ngɔ ɔ, e na kaa a hɛ mi pee mɔbɔmɔbɔ.

1 Korintobi 1:19

Ngmami ɔ ke, “Ma ha nɛ ní leli a nile ma puɛ, nɛ ga leli a ga tsuo maa pee yaka.”

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.

Daniel 8:27

Imi Daniel ɔ, ye he mi po, nɛ i nu hiɔ ligbi babauu. Pee se ɔ, i te si nɛ i ho ya tsu ní tsumi nɛ matsɛ ɔ ha mi ke ma tsu ɔ. Se kɛ̃ ɔ, nina a gba ye juɛmi nya, nɛ i nui sisi.

Daniel 7:28

Ye sane ɔ nyagbe ji nɛ ɔ nɛ. Se imi Daniel lɛɛ ye tsui po wawɛɛ nitsɛ, nɛ i hao. I ngɔ sane nɛ ɔ kɛ to ye yi mi, nɛ i de we nɔ ko nɔ ko.

Daniel 5:11

Nyumu ko ngɛ o matsɛ yemi he ɔ nɛ Mawu klɔuklɔu ɔ mumi ɔ ngɛ e mi. Benɛ o tsɛ ngɛ matsɛ yee ɔ, a na kaa nyumu nɛ ɔ ngɛ juɛmi kɛ nile, nɛ e hɛ mi hu ka si kaa mawu ɔmɛ pɛ. Enɛ ɔ he je ɔ, o tsɛ Nebukadnezar wo lɛ nɔkɔtɔma ngɛ womi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ tsuo a nɔ.

Yesaya 19:3

Ma ha ga amɛ nɛ Egipt bi ɔmɛ to ɔ maa pee yaka, nɛ a mumu nya maa ta. A ma de amaga amɛ ke a ba piɛ a he; a ma ya bi ní ngɛ ní peeli a ngɔ, nɛ a ma bi ga womi kɛ je klamɔhi, kɛ kpade tsɛli a ngɔ.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mose II, 9:11

Tslɔɔ ɔ he je ɔ, wɔnɔ ɔmɛ nyɛ we Mose hɛ mi nɛ a da; ejakaa tslɔɔ ɔ fuu wɔnɔ ɔmɛ kɛ Egipt bi ɔmɛ tsuo kulaa.

Mose I, 41:7

Blɛfo kpaago nɛ wui ní ɔ, mii blɛfo kpaago kpa amɛ nɛ wo ní ɔ. Kɛkɛ nɛ Farao ɔ hɛ tsɛ, nɛ e na kaa e ngɛ nlae.

Mose I, 41:15

Farao ɔ de Yosef ke, “I nla nlami ko, se nɔ ko nyɛ we nɛ e tsɔɔ mi sisi. I nu kaa a ke moo lɛɛ o nyɛɔ tsɔɔ nlamihi a sisi.”

Samuel I, 6:2

ni ɔmɛ ya tsɛ wɔnɔ ɔmɛ, kɛ kunya yeli ɔmɛ, nɛ a bi mɛ ke, “Kɛ wa maa pee Yawɛ somi daka a kɛɛ? Mɛni waa kɛ maa piɛ he kɛ ho e je he ya?”

Daniel 4:6

I fa ke a ya kpee matsɛ ga woli ɔmɛ tsuo nɛ ngɛ Babilon ɔ kɛ ba, konɛ a ba tsɔɔ mi nlami ɔ sisi.

Daniel 4:18

“Nlami nɛ imi Nebukadnezar, i nla ji nɛ ɔ nɛ. Belteshazar, moo tsɔɔ mi nlami ɔ sisi jehanɛ. Ye ga woli ɔmɛ a ti nɔ ko nɔ ko nyɛ we nɛ e tsɔɔ mi sisi. Se moo lɛɛ o ma nyɛ maa tsɔɔ mi sisi, ejakaa Mawu klɔuklɔu ɔ mumi ɔ ngɛ o mi.”

Mose I, 41:24

Blɛfo tso kpaago nɛ wui ní ɔ mii blɛfo tso kpaago kpa amɛ nɛ wo ní ɔ. I de kunya yeli ɔmɛ nlami nɛ ɔmɛ, se a ti nɔ ko nɔ ko nyɛ we nɛ e tsɔɔ mi sisi.”