Mose I, 41:57 - BAIBLO ALOO NGMAMI KLƆUKLƆU Ɔ

⁵⁷ Nihi je je ma amɛ tsuo a mi kɛ ba Egipt nɛ a ba he blɛfo ngɛ Yosef dɛ; ejakaa hwɔ ɔ nya wa wawɛɛ nitsɛ ngɛ he tsuaa he.

Mose I, 41:57 ပူးပေါင်းရင်းမြစ်များ

Mose I, 42:5

Yakob bimɛ ɔmɛ piɛ nihi nɛ ba blɛfo hemi ɔ a he; ejakaa hwɔ ba Kanaan zugba a hu nɔ.

Mose I, 41:56

Benɛ hwɔ ɔ nya ba wa ngɛ zugba a tsuo nɔ ɔ, Yosef bli nito he ɔmɛ tsuo a nya, nɛ e jua blɛfo ha Egipt bi ɔmɛ.

Mose I, 41:54

nɛ jeha kpaago kɛ e mi hwɔ nɛ nya wa hu je sisi kaa bɔ nɛ Yosef de ɔ pɛpɛɛpɛ. Hwɔ nɛ nya wa ye ngɛ zugba amɛ tsuo a nɔ; se Egipt zugba a nɔ tsuo lɛɛ niye ní ngɛ.

Mose V, 9:28

Ke pi ja a, Egipt bi ɔmɛ ma de ke, ‘Nyɛɛ hyɛ, a Mawu ɔ nyɛ we nɛ e kɛ mɛ ya su zugba nɛ e wo si ke e ma ha mɛ ɔ nɔ. A ma de ke o je o ma a kɛ ho nga kplanaa a nɔ ya, nɛ o ya gbe mɛ ngɛ lejɛ ɔ; ejakaa o sume a sane.

Mose I, 50:20

Nyɛɛ lɛɛ nyɛ so kaa nyɛ maa pee mi yayami, se Mawu tsake nyɛ yi mi tomi ɔ kɛ pee nɔ́ kpakpa; bɔ nɛ pee nɛ e kɛ he nihi babauu a yi wami, kaa bɔ nɛ e ba mi mwɔnɛ nɛ ɔ.

Mose I, 42:1

Benɛ Yakob nu kaa blɛfo ngɛ Egipt ɔ, e bi e binyumu ɔmɛ ke, “Mɛni nyɛ ngɛ nyɛ sibi hyɛe ngɛ pee?

Mose I, 12:10

Jamɛ a be ɔ, hwɔ ba Kanaan zugba a nɔ, nɛ lɔ ɔ he ɔ, Abram pue nɔ kɛ ho Egipt ya nɛ e ya hi lejɛ ɔ be saii.

Mose I, 43:1

Hwɔ ɔ nya ba wa ngɛ Kanaan zugba a nɔ.

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Mose I, 47:14

Sika nɛ a kɛ je Egipt kɛ Kanaan zugba amɛ a nɔ kɛ ba he blɛfo ɔ, Yosef bua lɛ tsuo nya, nɛ e ngɔ kɛ ho matsɛ we ɔ mi ya.