Mose I, 41:56 - BAIBLO ALOO NGMAMI KLƆUKLƆU Ɔ

⁵⁶ Benɛ hwɔ ɔ nya ba wa ngɛ zugba a tsuo nɔ ɔ, Yosef bli nito he ɔmɛ tsuo a nya, nɛ e jua blɛfo ha Egipt bi ɔmɛ.

Mose I, 41:56 ပူးပေါင်းရင်းမြစ်များ

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Luka 21:35

kaa klama; ejakaa e maa ba nihi tsuo a nɔ ngɛ je nɛ ɔ mi he tsuaa he.

Zakaria 5:3

E ya nɔ nɛ e de mi ke, “Gbiɛmi nɛ maa ba zugba a tsuo nɔ ji nɛ ɔ nɛ. A ngma ngɛ womi ɔ ba fa kake ke, ‘Nɔ tsuaa nɔ nɛ maa ju ɔ, a po lɛ ngɔ fɔ he.’ Nɛ a ngma ngɛ ba fa kake hu ke, ‘Nɔ tsuaa nɔ nɛ kãã lakpa kita a, a po lɛ ngɔ fɔ he.’

Yesaya 23:17

Jeha nyingmi kpaago ɔ se ɔ, Yawɛ maa na Tiro mɔbɔ, nɛ e ma ha nɛ Tiro, kɛ je ma amɛ ma ya tsu ní ekohu kaa sa a; e kɛ ma amɛ tsuo ma ya ye jua.

Mose I, 41:30

Jeha kpaago nɛ nyɛɛ se ɔ, hwɔ nɛ nya wa wawɛɛ nitsɛ maa ba. Nihi a hɛ maa je kplɔkɔtɔ be ɔ nɔ, ejakaa hwɔ ɔ ma kpata zugba a hɛ mi.

Mose I, 41:55

Benɛ hwɔ bɔni Egipt bi ɔmɛ yemi ɔ, ma a wo ya ngɔ pue Farao ɔ nɔ, nɛ a de lɛ ke e ha mɛ ní nɛ a ye. Farao ɔ de Egipt bi ɔmɛ tsuo ke, “Nyɛɛ ya Yosef ngɔ; nɔ́ tsuaa nɔ́ nɛ e ma de nyɛ ke nyɛɛ pee ɔ, nyɛɛ pee.”

Mose I, 41:57

Nihi je je ma amɛ tsuo a mi kɛ ba Egipt nɛ a ba he blɛfo ngɛ Yosef dɛ; ejakaa hwɔ ɔ nya wa wawɛɛ nitsɛ ngɛ he tsuaa he.

Mose I, 43:1

Hwɔ ɔ nya ba wa ngɛ Kanaan zugba a nɔ.

Mose I, 12:10

Jamɛ a be ɔ, hwɔ ba Kanaan zugba a nɔ, nɛ lɔ ɔ he ɔ, Abram pue nɔ kɛ ho Egipt ya nɛ e ya hi lejɛ ɔ be saii.

Mose I, 41:35

Niye ní tsuo nɛ maa ba ngɛ jeha kpakpa amɛ a mi ɔ, ha nɛ a bua nya. Moo wo mlaa nɛ a to blɛfo ngɛ ma tsuaa ma mi, nɛ a bu he.