Mose I, 41:55 - BAIBLO ALOO NGMAMI KLƆUKLƆU Ɔ

⁵⁵ Benɛ hwɔ bɔni Egipt bi ɔmɛ yemi ɔ, ma a wo ya ngɔ pue Farao ɔ nɔ, nɛ a de lɛ ke e ha mɛ ní nɛ a ye. Farao ɔ de Egipt bi ɔmɛ tsuo ke, “Nyɛɛ ya Yosef ngɔ; nɔ́ tsuaa nɔ́ nɛ e ma de nyɛ ke nyɛɛ pee ɔ, nyɛɛ pee.”

Mose I, 41:55 ပူးပေါင်းရင်းမြစ်များ

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Kolosebi 1:19

Ejakaa Mawu nitsɛ lɛ suɔ kaa lɛ Mawu ɔ su pɛpɛɛpɛ nɛ hi Bi ɔ mi.

Filipibi 4:19

Ye Mawu ɔ ma ha nyɛ níhi tsuo nɛ hia nyɛ ɔ kɛ maa je e ní babauu nɛ hɛ mi ngɛ nyami ɔ mi kɛ gu Kristo Yesu nɔ.

Yohane 2:5

Jehanɛ ɔ Yesu nyɛ de tsɔli ɔmɛ ke, “Nɔ́ tsuaa nɔ́ nɛ e ma de nyɛ ɔ, nyɛɛ pee.”

Mose I, 41:56

Benɛ hwɔ ɔ nya ba wa ngɛ zugba a tsuo nɔ ɔ, Yosef bli nito he ɔmɛ tsuo a nya, nɛ e jua blɛfo ha Egipt bi ɔmɛ.

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.