Mose I, 41:43 - BAIBLO ALOO NGMAMI KLƆUKLƆU Ɔ

⁴³ E kɛ lɛ wo matsɛ ta zugba lɛ enyɔne ɔ mi, nɛ matsɛ tsɔli nyɛɛ e hɛ mi kɛ ngmlaa ke, “Nyɛ kpla si oo! E ma oo!” Bɔ nɛ a pee kɛ wo Yosef ganɔ ngɛ Egipt zugba a tsuo nɔ ji nɛ ɔ nɛ.

Mose I, 41:43 ပူးပေါင်းရင်းမြစ်များ

Mose I, 41:42

Farao ɔ je e nguɛ ga kɛ e nɔ womi nya sɔumi nɔ́ ɔ, nɛ e kɛ wo Yosef nguɛ. E wo lɛ kploba tade klɔii saminyayoo ko, nɛ e kɛ sika tsu kɔsɔkɔsɔ wo e kuɛ.

Mose I, 41:44

Farao ɔ de Yosef ke, “Imi ji matsɛ ɔ nɛ. I ngɛ mo dee ke nɔ ko nɔ ko be nyɛe maa pee nɔ́ ko ngɛ Egipt zugba a tsuo nɔ nɛ o li he nɔ́ ko.”

Mose I, 42:30

“Ganɔ ɔ nɛ ngɛ Egipt ɔ tu e hɛ mi ngɔ wo wɔ. E kɛ wɔ tu munyu basabasa, nɛ e po wa nya ke wa ba e zugba a slaami.

Mose I, 42:33

Nyumu ɔ nɛ ji ganɔ ɔ ngɛ zugba a nɔ ɔ de wɔ ke, ‘Bɔ nɛ ma pee kɛ le kaa anɔkualetsɛmɛ ji nyɛ ji nɛ ɔ nɛ: nyɛ si nyɛ ti nɔ kake ha mi ngɛ hiɛ ɔ. Nyɛ ni nɛmɛ nɛ nyɛ piɛ ɔ, nyɛɛ ngɔ blɛfo nɛ nyɛ he ɔ kɛ ya we ya ha nyɛ weku li nɛ hwɔ ngɛ mɛ yee ɔ,

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Mose I, 45:26

A ba bɔ lɛ amaniɛ ke, “Yosef ngɛ je mi kɛ mwɔɔ, nɛ lɛ ji nɔ nɛ ngɛ Egipt zugba a tsuo nɔ yee!” Yakob he mi po, ejakaa e he we mɛ yi.

Mose I, 45:8

Tsa pi nyɛ nɛ nyɛ ha i ba hiɛ ɔ; Mawu mohu lɛ ha nɛ i ba hiɛ ɔ nɛ. E ngɔ mi ngɔ pee Farao ɔ ga wolɔ; imi lɛ i hyɛɛ e we ɔ nɔ, nɛ imi lɛ i yeɔ Egipt zugba a tsuo nɔ.

Mose I, 50:18

Jehanɛ, e nyɛmimɛ ɔmɛ nitsɛmɛ ba, nɛ a ba kpla si ngɛ e hɛ mi, nɛ a de lɛ ke, “Wɔ o nyɔguɛ ɔmɛ ji nɛ ɔmɛ nɛ.”

Mose I, 50:9

Zugba lɛhi, kɛ okpɔngɔhi a nɔ hili hu kɛ lɛ ho. Nihi babauu nitsɛ lɛ ho ɔ nɛ.

Ester 10:3

Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.

Ester 3:2

Matsɛ ɔ fa e tsɔli ɔmɛ tsuo nɛ ngɛ e sisi ɔ ke a bu Haman, nɛ a kpla si kɛ ha lɛ. Ni ɔmɛ tsuo peeɔ ja, se Mordekai kpla we si ha lɛ fɛɛ!

Daniel 2:48

Kɛkɛ nɛ matsɛ ɔ ha Daniel blɔ nya agbo, nɛ e ke lɛ ní kpakpahi babauu. E wo lɛ Babilon kpokpa a nɔ nɔ yelɔ, kɛ matsɛ ga woli ɔmɛ tsuo a nɔkɔtɔma.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

Filipibi 2:10

Kɛkɛ ɔ, he tsuaa he nɛ a maa wo e biɛ ta ngɛ ɔ, nihi nɛ ngɛ hiɔwe, kɛ ni nɛmɛ nɛ ngɛ zugba a nɔ, kɛ ni nɛmɛ nɛ ngɛ zugba a sisi ɔ, mɛ tsuo a ma kpla si ha Yesu,