Mose I, 41:42 - BAIBLO ALOO NGMAMI KLƆUKLƆU Ɔ

⁴² Farao ɔ je e nguɛ ga kɛ e nɔ womi nya sɔumi nɔ́ ɔ, nɛ e kɛ wo Yosef nguɛ. E wo lɛ kploba tade klɔii saminyayoo ko, nɛ e kɛ sika tsu kɔsɔkɔsɔ wo e kuɛ.

Mose I, 41:42 ပူးပေါင်းရင်းမြစ်များ

Daniel 5:29

Kɛkɛ nɛ Belshazar fa e tsɔli ɔmɛ ke a wo Daniel matsɛ tade klɔii nɛ hɛɛ alamua tu su nɛ he jua wa saminya, nɛ a kɛ sika tsu kuɛ ní nɛ wo e kuɛ. Matsɛ ɔ pee Daniel matsɛ se yelɔ ɔ setsɔ.

Daniel 5:7

Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Ester 3:10

Kɛkɛ nɛ matsɛ ɔ je e nine nguɛ ga, nɛ e kɛ ha Agag nina, Hamedata bi Haman, Yuda bi ɔmɛ a he nyɛlɔ ɔ. Ga nɛ ɔ a kɛ sɔuɔ matsɛ ɔ mlaahi nɛ a wo ɔ a nya kɛ tsɔɔ kaa matsɛ ɔ kplɛɛ níhi nɛ a ngma a nɔ.

Daniel 5:16

I nu kaa moo lɛɛ o nyɛɔ nɛ o tsɔɔ laami sanehi, kɛ munyuhi nɛ a he wa a sisi. Ke o nyɛ nɛ o kane nɔ́ nɛ a ngma nɛ ɔ, nɛ o nyɛ tsɔɔ mi sisi ɔ, a maa wo mo matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo o kuɛ, nɛ a maa pee mo matsɛ se yelɔ ɔ setsɔ.”

Ester 8:2

Matsɛ ɔ ngɔ e nine nguɛ ga nɛ womi nya sɔumi nɔ́ ngɛ nɔ ɔ ngɔ ha Mordekai, (Jinɛ Haman nɛ hyɛɛ nɔ). Ester ngɔ Mordekai ngɔ to Haman ní ɔmɛ a nya.

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

Ester 8:10

Mordekai hyɛ nɛ a ngma womi ɔmɛ ngɛ Matsɛ Ahasuerus biɛ mi, nɛ a sɔu nya kɛ matsɛ ɔ womi nya sɔumi ga a. Tsɔli nɛ hi okpɔngɔhi nɛ le fo tumi saminya a nɔ ya dla womi ɔmɛ kɛ fo. A hla okpɔngɔ ɔmɛ kɛ je matsɛ ɔ nitsɛ we okpɔngɔ tsu ɔmɛ a mi.

Ezekiel 27:7

Kploba a kɛ pee o mi abalaa amɛ, kploba nɛ a lo ní wo mi saminyayoo kɛ je Egipt. A yoɔ abalaa amɛ ngɛ se lokoo. Nɔ́ nɛ ha lɛ ɔ yi mi ɔ, bo bluu, kɛ bo he jua wawɛ nɛ hɛɛ alamua tu su a kɛ pee. A kɛ enɛ ɔmɛ tsuo je Kipro zugba nɛ wo bɔle lɛ ɔ nɔ.

Lahi 1:10

O yi bwɔmi ngɛ fɛu ngɛ o tsitsa he; bwɔmi ɔ kplaa si ngɛ o kuɛ he kaa june.

Abɛ Womi 31:24

Yo ɔ kpɛɔ kploba tade nɛ e juaa; e juaa mi mi fimi níhi hu kɛ haa je juali.

Abɛ Womi 31:22

Lɛ nitsɛ e loɔ e sa nɔ bo; nɛ e buɔ kploba nɛ ngɛ fɛu, kɛ bo nɛ hɛɛ alamua tu su.

Ester 8:8

Se ke a ngma fiɛmi ko ngɛ matsɛ ɔ biɛ mi, nɛ a sɔu nya kɛ matsɛ ɔ womi nya sɔumi nɔ́ ɔ, a kpale we se, ja a ye nɔ. Lɔ ɔ he ɔ, ke nyɛ suɔ ɔ, nyɛ nitsɛmɛ nyɛɛ ngma Yuda bi ɔmɛ womi ngɛ ye biɛ mi, nɛ nyɛ de nɔ́ tsuaa nɔ́, konɛ nyɛɛ ngɔ ye womi nya sɔumi nɔ́ ɔ kɛ sɔu nya.”

Ester 3:12

Lɔ ɔ he ɔ, kekleekle nyɔhiɔ ɔ ligbi nyɔngma kɛ etɛne ɔ nɔ ɔ, Haman tsɛ matsɛ womi ngmali ɔmɛ nɛ e tsɔɔ mɛ nɔ́ nɛ a ngma. A ngma ngɛ zugba tsuaa zugba e ningma, kɛ e gbi mi; nɛ a kɛ mane nɔ yeli ɔmɛ, amlaalo ɔmɛ, kɛ ganɔ ɔmɛ tsuo. A ngma ngɛ Matsɛ Ahasuerus biɛ mi, nɛ a kɛ matsɛ ɔ nguɛ ga a sɔu nya.

Luka 15:22

Se e tsɛ ɔ de sɔmɔli ɔmɛ ke, ‘Nyɛ ya je tade klɔii saminyayoo ɔ kɛ ba wo lɛ esɔ. Nyɛɛ wo e nine nguɛ ga, kɛ e nane tokota.

Abɛ Womi 1:9

Ejakaa lɔ ɔmɛ nɛ ma dla mo nɛ o ba o je mi saminya, kaa bɔ nɛ duku kpakpa, loo kuɛ ní haa nɔ he peeɔ fɛu ɔ.

Ester 10:3

Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.

Mose I, 38:18

Yuda bi lɛ ke, “Mɛni ma si ha mo kɛ to mo awaba a?” Tamar he nɔ ke, “O womi nya sɔumi nɔ́ kɛ e he kpa, kɛ o dɛma tso ɔ.” Yuda ngɔ ní ɔmɛ ngɔ ha lɛ. Kɛkɛ nɛ e kɛ lɛ na bɔmi, nɛ Tamar ngɔ hɔ.

Mose I, 41:43

E kɛ lɛ wo matsɛ ta zugba lɛ enyɔne ɔ mi, nɛ matsɛ tsɔli nyɛɛ e hɛ mi kɛ ngmlaa ke, “Nyɛ kpla si oo! E ma oo!” Bɔ nɛ a pee kɛ wo Yosef ganɔ ngɛ Egipt zugba a tsuo nɔ ji nɛ ɔ nɛ.

Samuel I, 18:4

Yonatan kpa e he bo kɛ ha David. E kɛ e ta hwumi ní ɔmɛ, e klaate ɔ, e kɛ̃ɛ̃ ɔ, kɛ e mlɛ mi fimi nɔ́ ɔ hu piɛ he ha lɛ.

La 73:6

Enɛ ɔ he je ɔ, he womi ji kuɛ ní nɛ a kɛ fɔ a kuɛ. Yi mi wami ji bo nɛ mɛɛ a haa.

Lahi 4:9

Ye nyɛmiyo, ye we ayɛflo nɛ i suɔ mo saminya; hɛngmɛ nɛ o kɛ hyɛ mi, kɛ o kuɛ ní nɛ o wo nɛ ɔ gbe ye tsui kulaa.

Yeremia 52:33

Enɛ ɔ he je ɔ, a ngmɛ Yehoyakin blɔ nɛ e je pã mi tade ɔmɛ ngɛ e he ngɔ pue si, nɛ e ya yeɔ ní ngɛ matsɛ okplɔɔ he daa ligbi kɛ ya si e gbenɔ be.

Yesaya 3:23

kploba heha ní ɔmɛ, mele duku ɔmɛ, yi duku ɔmɛ, kɛ hɛ mi hami nɔ́ gagaa amɛ tsuo ɔ, Nyɔmtsɛ ɔ ma je ngɛ a he.