Mose I, 41:40 - BAIBLO ALOO NGMAMI KLƆUKLƆU Ɔ

⁴⁰ Ma ngɔ mo ngɔ to ye ma a nya, nɛ ma a tsuo maa bu mo tue; ye se ɔ, lɛɛ mo.”

Mose I, 41:40 ပူးပေါင်းရင်းမြစ်များ

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

Abɛ Womi 22:29

Anɛ o le nɔ ko nɛ tsuɔ ní saminya lo? Jamɛ a nɔ ɔ, matsɛmɛ nɛ e ma sɔmɔ; pi ni guhi.

Daniel 5:29

Kɛkɛ nɛ Belshazar fa e tsɔli ɔmɛ ke a wo Daniel matsɛ tade klɔii nɛ hɛɛ alamua tu su nɛ he jua wa saminya, nɛ a kɛ sika tsu kuɛ ní nɛ wo e kuɛ. Matsɛ ɔ pee Daniel matsɛ se yelɔ ɔ setsɔ.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Daniel 6:3

E kɛ we kulaa nɛ Daniel ba je e he kpo kaa nɔmlɔ nɛ kɔni si wa kɛ ní tsumi pe nikɔtɔma kpa amɛ, kɛ amlaalo ɔmɛ tsuo. Akɛnɛ e le ní tsumi saminya he je ɔ, matsɛ ɔ to e yi mi kaa e maa pee lɛ ma ní tsulɔ nɔkɔtɔma pe kulaa ngɛ e matsɛ yemi ɔ tsuo mi.

Mose I, 45:26

A ba bɔ lɛ amaniɛ ke, “Yosef ngɛ je mi kɛ mwɔɔ, nɛ lɛ ji nɔ nɛ ngɛ Egipt zugba a tsuo nɔ yee!” Yakob he mi po, ejakaa e he we mɛ yi.

Hiob 31:27

Nɔ́ ko mlɔɔ we mi hyɛ kaa ma fiɔ ye nine he kɛ wo a hɛ mi nyami.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

Mose I, 44:18

Kɛkɛ nɛ Yuda hɛ lɛ kɛ su Yosef he, nɛ e de lɛ ke, “Nyɔmtsɛ, i kpa mo pɛɛ, ha nɛ ma kɛ hiami sane kake nɛ ɔ pɛ fɔ o hɛ mi. O ngɛ kaa Farao ɔ kɛ̃. O mi mi ko fu mi.

Ester 3:1

Enɛ ɔmɛ a se ɔ, Matsɛ Ahasuerus wó nyumu ko nɛ a tsɛɛ lɛ Haman nɔ, nɛ e pee lɛ e ganɔ ɔmɛ a nɔkɔtɔma. Hamedata bi Haman ɔ, Agag nina ji lɛ.

Ester 10:3

Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.