Mose I, 41:14 - BAIBLO ALOO NGMAMI KLƆUKLƆU Ɔ

¹⁴ Farao ɔ tsɔ nɛ a ya je Yosef kɛ je tsu ɔ mi amlɔ nɔuu. E sɛ e kpɛni, nɛ e tsake e tade, nɛ e ba Farao ɔ ngɔ.

Mose I, 41:14 ပူးပေါင်းရင်းမြစ်များ

Daniel 2:25

Ariok ngɔ Daniel kɛ ho Matsɛ Nebukadnezar ngɔ ya amlɔ nɔuu, nɛ e ya de matsɛ ɔ ke, “Nɛnɛ, i ya na nyumu ko ngɛ nihi nɛ a nuu kɛ je Yuda kɛ ba a a kpɛti nɛ ma nyɛ maa tsɔɔ mo o nlami ɔ sisi.”

Matsɛmɛ II, 25:29

Enɛ ɔ he je ɔ, a ngmɛ Yehoyakin blɔ nɛ e je pã mi tade ɔmɛ ngɛ e he ngɔ pue si, nɛ e ya yeɔ ní ngɛ matsɛ okplɔɔ ɔ he daa ligbi kɛ ya si benɛ e gbo.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Ester 5:1

Ester nitsɛ ha hwɔ. Ligbi etɛne ɔ, Ester wo e manyɛ tade ɔ, nɛ e be kɛ ho matsɛ we ɔ ya. E ya da si ngɛ kue nɛ ngɛ matsɛ we ɔ kpɛti ɔ mi. Kue nɛ ɔ ngɛ tsu nɛ matsɛ sɛ ɔ ngɛ mi ɔ hanɔ. Jamɛ a be ɔ, matsɛ ɔ hii si ngɛ e sɛ ɔ nɔ, nɛ e hɛ mi kpee sinya a nya blɔ.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Mose II, 10:16

Kɛkɛ nɛ Farao ɔ tsɛ Mose kɛ Aaron nɔuu nɛ e de mɛ ke, “I pee yayami kɛ si Yawɛ, nyɛ Mawu ɔ; nɛ nyɛ hu i tɔ̃ nyɛ nɔ.

Samuel II, 19:24

Mefiboshet, Saul bibi ɔ hu ba nɛ e ba kpee matsɛ ɔ. Kɛ je ligbi ɔ nɛ matsɛ ɔ je Yerusalem ɔ hluu kɛ ba si ligbi nɛ e kpale e se kɛ ba fiafiaafia a, Mefiboshet fɔ we e nanehi a he, e sɛ we e kpɛni; nɛ e tadehi hu e fɔ we a he.