Mose I, 41:1 - BAIBLO ALOO NGMAMI KLƆUKLƆU Ɔ

¹ Jeha enyɔ se ɔ, Farao ɔ nla nlami ko. E nla nɛ e daa si ngɛ Nilo pa a nya.

Mose I, 41:1 ပူးပေါင်းရင်းမြစ်များ

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Ezekiel 29:9

Nɔ ko nɔ ko be Egipt zugba a nɔ hie hu; zugba a maa pee ma doku nɛ e maa fɔ si gu. Lɔ ɔ loko a maa le kaa imi ji Yawɛ. “Akɛnɛ o ke Nilo pa a o nɔ́, nɛ́ mo nitsɛ lɛ o pee he je ɔ,

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Yesaya 19:5

Nilo pa a maa fã hluu kɛ yaa si nyu ɔ maa ta pa a mi, nɛ lejɛ ɔ ma gbli.

Ester 6:1

Jamɛ a nyɔ ɔ mi ɔ, matsɛ ɔ nyɛ we nɛ e hwɔ mahe; lɔ ɔ he ɔ, e fa ke a ya ngɔ yi nɔ sanehi womi ɔ kɛ ba, nɛ a ba kane ha lɛ.

Mose V, 11:10

Zugba nɛ nyɛ yaa nɛ nyɛ ya ngɔ ɔ be kaa Egipt zugba a, he nɛ nyɛ je ɔ. Lejɛ ɔ, ke o du ní ɔ, ja o gbo dengme kɛ pue ní ɔmɛ a nɔ nyu ngɛ ngmɔ ɔ mi;

Mose II, 4:9

Nɛ ke a he we okadi enyɔ ɔmɛ yi, nɛ jehanɛ hu a bui mo tue ɔ, lɛɛ o ma ya yɛ nyu ngɛ Nilo pa a mi, nɛ o ma plɛ pue zugba gbigbli nɔ, nɛ Nilo pa a mi nyu ɔ ma plɛ pee muɔ ngɛ zugba a.”

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Mose I, 40:5

Nyɔ kake mi ɔ, Egipt matsɛ ɔ dã nɔ hyɛlɔ ɔ kɛ abolo salɔ ɔ tsuo nla ngɛ he nɛ a wo mɛ tsu ngɛ ɔ; nɔ tsuaa nɔ kɛ e nlami, nɛ nlami tsuaa nlami kɛ e sisi.

Mose I, 31:21

Yakob ngɔ nɔ́ tsuaa nɔ́ nɛ ngɛ e dɛ ɔ kɛ tu fo. E po Yufrate pa a, nɛ e pue nɔ kɛ yaa Gilead yo ɔ he.

Mose I, 29:14

Laban de ke, “Niinɛ, imi nitsɛ ye nyɛmi tutuutu ji mo!” Yakob hi Laban ngɔ hlami kake.

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 28:12

E nla nɛ gba he tso ko maa si ngɛ zugba nɛ e yi mi ya pi hiɔwe, nɛ Mawu bɔfohi ngɛ gba he tso ɔ kuɔe nɛ a ngɛ kplee.

Mose I, 40:23

Se dã nɔ hyɛlɔ nɔkɔtɔma a kai we Yosef hu; e hɛ je e nɔ pɛsɛpɛsɛ.

Mose I, 41:2

Kɛkɛ nɛ na yo kpaago nɛ a he ngɛ fɛu, nɛ a plɔke, hia kpo kɛ je pa a mi, nɛ a ba bɔni ní yemi ngɛ nga a mi.