Mose I, 40:8 - BAIBLO ALOO NGMAMI KLƆUKLƆU Ɔ

⁸ A he nɔ ke, “Wa ti nɔ tsuaa nɔ nla nlami ko, nɛ nɔ ko be nɛ maa tsɔɔ wɔ sisi.” Yosef de mɛ ke, “Mawu lɛ tsɔɔ nlamihi a sisi; i kpa nyɛ pɛɛ nɛ nyɛɛ sɛɛ nlami ɔmɛ ha mi.”

Mose I, 40:8 ပူးပေါင်းရင်းမြစ်များ

Mose I, 40:9

Kɛkɛ nɛ dã nɔ hyɛlɔ nɔkɔtɔma a de Yosef e nlami ɔ ke, “I nla nɛ wai tso ko maa si ngɛ ye hɛ mi,

Mose I, 41:25

Yosef de matsɛ ɔ ke, “O nlami ɔmɛ tsuo, nlami kake; Mawu je nɔ́ ko nɛ e yaa pee ɔ kpo ngɔ tsɔɔ mo.

Hiob 33:23

Alini, Mawu bɔfo akpe ɔmɛ nɛ tsɔɔ nimli adesahi nɔ́ nɛ da a, a ti nɔ kake ma ba je lɛ.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Daniel 2:11

Nɔ́ nɛ nɛnɛ ngɛ bie ɔ, nɔ́ ɔ he wa wawɛɛ nitsɛ. Nɔ ko nɔ ko be nyɛe maa pee ha mo, ja mawu ɔmɛ pɛ. Nɛ mawu ɔmɛ hu tsa pi a hi he ji nimli adesahi a kpɛti.”

Daniel 2:27

Daniel he nɔ ke, “Nɛnɛ, laami sane nɛ o bi nɛ ɔ, ní lelɔ, aloo klaalɔ, aloo kunya yelɔ, aloo nyɔhiɔ mi hyɛlɔ ko be nɛ ma nyɛ maa tsɔɔ mo.

Daniel 2:28

Se Mawu ko ngɛ hiɔwe nɛ jeɔ laami sanehi kpo ngɔ tsɔɔ. Mawu nɛ ɔ ji nɔ nɛ je ngɔ tsɔɔ mo Matsɛ Nebukadnezar ngɛ nlami mi, nɔ́ nɛ maa ba hwɔɔ se ɔ nɛ. Nlami nɛ o nla, kɛ nina nɛ o na, benɛ o hwɔ mahe ɔ ji nɛ ɔ nɛ.

Daniel 2:3

nɛ e de mɛ ke, “I nla nlami ko, nɛ nlami nɛ ɔ wo ye he gbeye wawɛɛ nitsɛ. I suɔ nɛ ma le nlami ɔ sisi.”

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Daniel 4:8

Pee se ɔ, Daniel hu ba (Daniel biɛ kpa ji Belteshazar; ye mawu ɔ biɛ a kɛ wo lɛ ɔ nɛ). Daniel nɛ ɔ, Mawu klɔuklɔu ɔ mumi ɔ ngɛ e mi. Lɔ ɔ he ɔ, i bɔ lɛ nlami ɔ nɛ i nla a. I de lɛ ke,

Daniel 5:16

I nu kaa moo lɛɛ o nyɛɔ nɛ o tsɔɔ laami sanehi, kɛ munyuhi nɛ a he wa a sisi. Ke o nyɛ nɛ o kane nɔ́ nɛ a ngma nɛ ɔ, nɛ o nyɛ tsɔɔ mi sisi ɔ, a maa wo mo matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo o kuɛ, nɛ a maa pee mo matsɛ se yelɔ ɔ setsɔ.”

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!