Mose I, 40:5 - BAIBLO ALOO NGMAMI KLƆUKLƆU Ɔ

⁵ Nyɔ kake mi ɔ, Egipt matsɛ ɔ dã nɔ hyɛlɔ ɔ kɛ abolo salɔ ɔ tsuo nla ngɛ he nɛ a wo mɛ tsu ngɛ ɔ; nɔ tsuaa nɔ kɛ e nlami, nɛ nlami tsuaa nlami kɛ e sisi.

Mose I, 40:5 ပူးပေါင်းရင်းမြစ်များ

Mose I, 41:11

Nyɔ kake mi ɔ, i kɛ abolo salɔ nɔkɔtɔma a tsuo wa nla nlami komɛ, nɔ tsuaa nɔ kɛ e nlami; nɛ nlami tsuaa nlami kɛ e sisi.

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 4:9

‘Belteshazar, mo klaali a nɔkɔtɔma, i le kaa Mawu klɔuklɔu ɔ mumi ɔ ngɛ o mi, nɛ laami sane ko be nɛ o li. Nlami nɛ i nla ji nɛ ɔ nɛ. Moo tsɔɔ mi sisi.’

Daniel 4:5

Se ligbi ko benɛ i hwɔ mahe ɔ, i nla nlami ko, nɛ i na nina ko nɛ wo ye he gbeye.

Ester 6:1

Jamɛ a nyɔ ɔ mi ɔ, matsɛ ɔ nyɛ we nɛ e hwɔ mahe; lɔ ɔ he ɔ, e fa ke a ya ngɔ yi nɔ sanehi womi ɔ kɛ ba, nɛ a ba kane ha lɛ.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Mose I, 40:8

A he nɔ ke, “Wa ti nɔ tsuaa nɔ nla nlami ko, nɛ nɔ ko be nɛ maa tsɔɔ wɔ sisi.” Yosef de mɛ ke, “Mawu lɛ tsɔɔ nlamihi a sisi; i kpa nyɛ pɛɛ nɛ nyɛɛ sɛɛ nlami ɔmɛ ha mi.”

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 40:1

Saii mi ɔ, Egipt matsɛ ɔ dã nɔ hyɛlɔ, kɛ abolo salɔ nɔkɔtɔma a ya tɔ a nyɔmtsɛ ɔ, nɛ ji Egipt matsɛ ɔ nɔ.

Mose I, 40:4

A se kɛ saminya ngɛ tsu ɔ mi, nɛ matsɛ we buli a nyatsɛ ɔ tu mɛ ngɔ wo Yosef dɛ mi nɛ e sɔmɔ mɛ.

Mose I, 40:6

Mɔtu, benɛ Yosef ba a ngɔ ɔ, e na kaa a hɛ mi pee mɔbɔmɔbɔ.