Mose I, 40:13 - BAIBLO ALOO NGMAMI KLƆUKLƆU Ɔ

¹³ Hiɛmɛ nɛ ɔ ligbi etɛ ɔ, Farao ɔ ma je mo kɛ je tsu mi; e kɛ o he maa ke mo, nɛ e maa ngɔ mo ngɔ to o blɔ he ɔ ekohu. O kɛ Farao ɔ kplu ɔ maa wo e dɛ mi ekohu kaa bɔ nɛ o peeɔ sa, benɛ o ji e dã nɔ hyɛlɔ nɔkɔtɔma a.

Mose I, 40:13 ပူးပေါင်းရင်းမြစ်များ

Yeremia 52:31

Jeha mi nɛ Evilmerodak ba bɔni matsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ kɛ je tsu mi jamɛ a jeha a nɔuu. Nyɔhiɔ nyɔngma kɛ enyɔ ɔ we ligbi nɛ ji nyingmi enyɔ kɛ enuɔ ɔ nɔ lɛ a ngmɛɛ Yehoyakin he ɔ nɛ. Jamɛ a be ɔ, Yehoyakin na jeha nyingmi etɛ kɛ kpaago momo ngɛ nyɔguɛ si himi mi.

La 3:3

Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

Matsɛmɛ II, 25:27

Jeha mi nɛ Evilmerodak ba bɔni tsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ ngɛ tsu mi. Nɛ́ a nu Yehoyakin kɛ ya wo tsu ngɛ ma se ɔ, jeha nyingmi etɛ kɛ kpaagone ɔ we nyɔhiɔ nyɔngma kɛ enyɔ ɔ we ligbi nyingmi enyɔ kɛ kpaago ɔ nɔ nɛ a je lɛ.

Mose I, 7:4

Hiɛmɛ nɛ ɔ otsi ɔ, ma ha nɛ hiɔmi maa nɛ ngɛ je ɔ mi nyɔ kɛ pia ligbi nyingmi eywiɛ, nɛ ma kpata níhi tsuo nɛ i bɔ nɛ wami ngɛ a mi ɔ a hɛ mi.”

Mose I, 40:1

Saii mi ɔ, Egipt matsɛ ɔ dã nɔ hyɛlɔ, kɛ abolo salɔ nɔkɔtɔma a ya tɔ a nyɔmtsɛ ɔ, nɛ ji Egipt matsɛ ɔ nɔ.

Mose I, 40:12

Yosef de lɛ ke, “Nlami ɔ sisi ji nɛ ɔ nɛ: tso kɔni etɛ ɔmɛ daa si ha ligbi etɛ.

Mose I, 40:14

Se, i kpa mo pɛɛ, ke níhi a mi ya hi ha mo ɔ, mo kai mi nɛ o na mi mɔbɔ; moo tu ye he munyu kpakpa ha Farao ɔ, nɛ e ba je mi kɛ je tsu nɛ ɔ mi.