Mose I, 4:22 - BAIBLO ALOO NGMAMI KLƆUKLƆU Ɔ

²² Zila hu fɔ binyumu; e biɛ ji Tubal Kain. Lɛɛ e kɛ akɔblee kɛ dade sɔɔ níhi. Tubal Kain nyɛmiyo ji Naama.

Mose I, 4:22 ပူးပေါင်းရင်းမြစ်များ

Kronika II, 2:7

Lɔ ɔ he ɔ, moo wo nyumu ko nɛ ga ngɛ e hɛ mi blɔ kɛ ba ha mi. E pee nɔ ko nɛ le sika tsu, sika hiɔ, akɔblee, kɛ dade he ga ní tsumi, nɛ e ma nyɛ maa ngma ní ngɛ nɔ hulɔ. Jehanɛ, e pee nɔ ko nɛ le bo bluu, bo he jua wawɛ nɛ hɛɛ alamua tu su, kɛ bo tsu lomi. Nyumu nɛ ɔ ma ba piɛ ga ní tsuli nɛ ngɛ Yuda kɛ Yerusalem nɛ tsaatsɛ David hla mɛ kɛ to ɔ a he kɛ tsu ní.

Mose V, 33:25

Á ma a ma amɛ a nya dade agbohi, konɛ a na he wami daa.”

Mose V, 8:9

Hwɔ be nyɛ yee, nɛ nɔ́ ko nɔ́ ko be nyɛ hiae. Tɛ nɛ ngɛ zugba a mi ɔ, dade ngɛ mi. Yo ɔmɛ a mi hu akɔblee ngɛ nɛ nyɛ ma nyɛ maa tsua.

Mose IV, 31:22

Níhi tsuo nɛ la be nyɛe maa sã, kaa sika tsu, sika hiɔ, akɔblee, dade, sanyla, loo sumui ɔ, nyɛɛ ngɔ kɛ wo la mi, konɛ a he nɛ tsɔ. Lɔ ɔ se ɔ, nyɛɛ ngɔ yayami fɔmi nyu ɔ kɛ fɔ a he. Se nɔ́ tsuaa nɔ́ nɛ kɛ la yi ɔ, lɛɛ nyɛɛ kɛ yayami fɔmi nyu ɔ nɛ fɔ he.

Mose II, 25:3

Nike ní ɔmɛ nɛ a pee sika tsu, sika hiɔ kɛ akɔblee;

Mose I, 4:21

A tsɛɛ e nyɛminyumu ke Yubal; lɛɛ e nina ji saku fiali kɛ bɛ kpali tsuo.

Mose I, 4:23

Ligbi ko ɔ, Lamek de e yi ɔmɛ ke, “Ada kɛ Zila, nyɛɛ bu mi tue. Lamek yihi, nyɛɛ bu nɔ́ nɛ ma de ɔ tue. I gbe niheyo ko, ejakaa e fia mi nɔ́, nɛ e plaa mi.