Mose I, 4:2 - BAIBLO ALOO NGMAMI KLƆUKLƆU Ɔ

² Kain se ɔ, Hawa fɔ binyumu ekohu nɛ e wo lɛ Habel. Habel ní tsumi ji to hyɛmi, se Kain lɛɛ ngmɔ hulɔ ji lɛ.

Mose I, 4:2 ပူးပေါင်းရင်းမြစ်များ

Mose I, 3:23

Lɔ ɔ he ɔ, Yawɛ Mawu je Adam we; e fie lɛ kɛ je Eden ngmɔ ɔ mi, konɛ e ya hu zugba zu ɔ nɛ a kɛ puɛ lɛ ɔ.

Mose I, 37:13

Yakob de Yosef ke, “O nyɛmimɛ ɔmɛ kɛ to ɔmɛ ho Shekem ya nɛ a ya hyɛ mɛ ngɛ lejɛ ɔ. Ma suɔ nɛ ma tsɔ mo a ngɔ.” Yosef he nɔ ke, “Ma ya.”

Mose I, 4:1

Adam kɛ e yo Hawa na bɔmi, nɛ Hawa ba na mi nɛ e fɔ binyumu, nɛ e wo lɛ biɛ ke Kain. Hawa de ke, “I wo lɛ kikɛmɛ a biɛ nɛ ɔ, ejakaa Yawɛ ji nɔ nɛ piɛ ye he nɛ i kɛ na binyumu nɛ ɔ nɛ.”

Mose I, 4:3

Be ko ɔ, Kain ngɔ e ngmɔ mi ní ɔmɛ eko kɛ ba sã bɔ ha Yawɛ.

Mose I, 47:3

Farao ɔ bi Yosef nyɛmimɛ ɔmɛ ke, “Mɛni ní tsumi nyɛ tsuɔ?” A he nɔ ke, “Lohwe lɛli ji wɔ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.

Mose I, 9:20

Noa a, ngmɔ hulɔ ji lɛ; lɛ ji kekleekle nɔ nɛ pee wai ngmɔ.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Amos 7:15

Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.

Luka 11:50

Lɔ ɔ he ɔ, gbali tsuo nɛ a gbe kɛ je je mi sisije ɔ, a ma bi a muɔ si ngɛ yi nɔ bi nɛ ɔmɛ nyɛ dɛ.

Luka 11:51

Kɛ je Habel nɔ kɛ yaa su Zakaria nɛ a gbe ngɛ bɔ sami la tɛ ɔ, kɛ he klɔuklɔu ɔ a kpɛti ɔ nɔ ɔ, ee, i ngɛ nyɛ dee ke a ma bi a muɔ si ngɛ yi nɔ bi nɛ ɔmɛ a dɛ!

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

1 Yohane 3:15

Nɔ tsuaa nɔ nɛ nyɛɔ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami nae.