Mose I, 4:15 - BAIBLO ALOO NGMAMI KLƆUKLƆU Ɔ

¹⁵ Se Yawɛ he nɔ ke, “Dɛbi, pi ja! Ke nɔ ko gbe mo ɔ, a maa gbla nɔ ɔ tue si kpaago.” Lɔ ɔ he ɔ, Yawɛ to Kain he so, bɔ nɛ pee nɛ ke nɔ ko na lɛ nɛ e ko gbe lɛ.

Mose I, 4:15 ပူးပေါင်းရင်းမြစ်များ

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Mose I, 4:24

Ke a maa ye Kain he lue si kpaago ɔ, Lamek lɛɛ a maa ye e he lue si nyingmi kpaago kɛ kpaago.”

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 14:9

Mawu bɔfo etɛne ba ngɛ Mawu bɔfo enyɔ ɔmɛ a se. Nɛ e de kɛ gbi wawɛɛ ke, “Nihi tsuo nɛ jaa lohwe awi yelɔ ɔ, kɛ e we amaga a, nɛ a kɛ amaga a kadi a hɛ nya, loo a nine he ɔ, ja a nu wai nɛ daa si ha Mawu mi mi fumi ɔ. Enɛ ɔ ji wai ngmingmiingmi nɛ Mawu nitsɛ plɛ kɛ wo kplu nɛ daa si ha e mi mi fumi ɔ mi. A ma pii nimli nɛ ɔmɛ hulɔ ngɛ la nɛ ngɛ tsoe gegeege ɔ mi ngɛ Mawu bɔfo klɔuklɔu ɔmɛ, kɛ To bi ɔ a hɛ mi.

Mateo 26:52

Yesu de lɛ ke, “Ngɔɔ o klaate ɔ ngɔ to e to he; ejakaa nihi tsuo nɛ hiaa klaate ɔ, a kɛ klaate ma kpata a hɛ mi.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

La 59:11

Nyɔmtsɛ, wa yi baalɔ, koo gbe mɛ; ke o pee ja a, e be kɛe nɛ ye ma a hɛ maa je nɔ, a hɛ maa je nɔ́ nɛ o pee nɛ ɔ nɔ. Ngɔɔ o he wami ɔ kɛ ha nɛ a didaa, nɛ o ngɔ mɛ kɛ fiaa si.

Matsɛmɛ I, 16:7

Yawɛ ngɔ sɛ gbi nɛ ɔ kɛ gu gbalɔ Yehu, Hanani binyumu ɔ nɔ ya ha Baasha kɛ e we ɔ, ejakaa Baasha pee yayami kɛ si lɛ, Yawɛ ɔ. Pi yayami nɛ Baasha pee kɛ si Yawɛ kaa bɔ nɛ Matsɛ Yeroboam hu pee be ko ɔ kɛkɛ ji nɔ́ nɛ wo Yawɛ mi mi la a, gbemi nɛ Baasha gbe Yeroboam we mi bimɛ ɔmɛ tsuo ɔ hu piɛ he.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:24

lɛɛ imi Yawɛ hu i kɛ nyɛ maa to ní; imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:21

“Ke nyɛ tsɔ ye hɛ mi atuã, nɛ nyɛ bui mi kɛ mwɔɔ ɔ, ma kpale gbla nyɛ tue totoe kpaago ekohu.

Mose III, 26:18

“Ke ní nɛ ɔmɛ tsuo na ba mi, se nyɛ bui ye munyu ɔ kɛ sa a, ma gbla nyɛ tue kɛ bɔ he si kpaago ngɛ nyɛ yayami ɔmɛ a he.

Abɛ Womi 6:31

Ke a nu lɛ ɔ, e maa ngɔ e weto ní tsuo tete kɛ to nane mi ha nɔtsɛ ɔ totoe kpaago kɛ bɔ he.