Mose I, 4:14 - BAIBLO ALOO NGMAMI KLƆUKLƆU Ɔ

¹⁴ Mwɔnɛ ɔ, o fie mi kɛ je zugba a nɔ, nɛ i be o hɛ mi bae hu. Ma bɔ kó, nɛ ma wo lalaalo ngɛ je ɔ mi; nɛ nɔ tsuaa nɔ nɛ maa na mi ɔ maa gbe mi.”

Mose I, 4:14 ပူးပေါင်းရင်းမြစ်များ

Mose IV, 35:19

Nɔ nɛ a gbe ɔ nyɛmi tutuutu ji muɔ he lue yelɔ ɔ nɛ. Be tsuaa be nɛ e maa na nɔ nɛ gbe e nyɛmi ɔ, e gbe lɛ.

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Yeremia 52:3

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.

Mose IV, 35:27

nɛ e ba mi kaa muɔ he lue yelɔ nɛ ɔ ya na lɛ ngɛ e wesa he ma a huzu ɔ se, nɛ e gbe lɛ ɔ, a be lɛ gbenɔ fɔ bue.

Mose IV, 35:21

aloo ke e ngɔ abofu kɛ gba lɛ ma, nɛ e nɔ si, nɛ e gbo ɔ, nɔmlɔ gbelɔ ji lɛ. Lɔ ɔ he ɔ, lɛ hu ja a gbe lɛ. Be tsuaa be nɛ muɔ he lue yelɔ ɔ, kɛ nɔmlɔ gbelɔ nɛ ɔ maa kpe ɔ, e gbe lɛ.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Hosea 13:3

Lɔ ɔ he ɔ, ma ha nɛ a hɛ mi ma kpata si kake too, nɛ a be mɛ nae hu, kaa mɔtu bɔku, loo bɔ́, loo jakati nɛ kɔɔhiɔ muɔ kɛ je ngma mi sami he, loo la su ku nɛ je la su ku tɔ mi.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

La 109:12

Nɔ ko nɔ ko kó na lɛ mɔbɔ; awusa bimɛ nɛ e ma si ɔ, nɔ ko nɔ ko kó hyɛ a nɔ.

La 109:10

E bimɛ nɛ a kpa si, nɛ a ba ní, nɛ a we doku nɛ a ngɛ mi po, a fie mɛ kɛ je lejɛ ɔ!

Samuel II, 14:7

Amlɔ nɛ ɔ, weku ɔ tsuo te si wo mi nɛ a ngɛ ye nɔ nyɛe ke ma ngɔ ye bi ɔ nɛ tane e nyɛmi ɔ yi ɔ ngɔ ha mɛ nɛ a gbe lɛ kɛ ye e nyɛmi ɔ nɛ e gbe ɔ he lue. Ke a pee ja kɛkɛ a kpata gbosi ní yelɔ ɔ hu hɛ mi; kɛkɛ pe a gbe ye la tso ku nɛ piɛ ngɛ la mi ɔ ji lɔ ɔ nɛ. Lɛɛ tse ye huno biɛ maa laa gbidigbidi; nɛ e nina ko hu be piɛe ngɛ zugba a nɔ.”

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Mose I, 4:13

Kain de Yawɛ ke, “Ye tue gblami ɔ nya wa ha mi tsɔ.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.