Mose I, 4:11 - BAIBLO ALOO NGMAMI KLƆUKLƆU Ɔ

¹¹ Zugba a mii o senɔ ɔ nɛ o gbe ɔ e muɔ ɔ. Lɔ ɔ he ɔ, a gbiɛ mo.

Mose I, 4:11 ပူးပေါင်းရင်းမြစ်များ

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Hiob 16:18

Zugba, yayamihi nɛ a pee mi ɔ, koo ha a nɔ! Ngmlaa nɛ i ngɛ kpae kaa a ye dami sane ha mi ɔ, ko ha nɛ ngmlaa a nya nɛ ba si!

Mose I, 3:14

Yawɛ Mawu de sinɔ ɔ ke, “Nɔ́ nɛ o pee nɛ ɔ he je ɔ, a gbiɛ mo pe je mi lohwe ɔmɛ tsuo. Kɛ je mwɔnɛ ɔ kɛ yaa a, o maa sã si ngɛ o muklii mi nɔ; nɛ o maa ye zu o wami ligbi ɔmɛ tsuo.

Kpojemi 12:16

Se zugba a ye bua yo ɔ; zugba a bli e nya mi, nɛ e mii nyu nɛ sinɔ nguaa a sú kɛ je e nya mi pue si ɔ.

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Mose I, 4:14

Mwɔnɛ ɔ, o fie mi kɛ je zugba a nɔ, nɛ i be o hɛ mi bae hu. Ma bɔ kó, nɛ ma wo lalaalo ngɛ je ɔ mi; nɛ nɔ tsuaa nɔ nɛ maa na mi ɔ maa gbe mi.”

Mose I, 5:29

E de ke, “Dengme nɛ wa ngɛ gboe kɛ ngɛ ní tsue ngɛ zugba nɛ Yawɛ gbiɛ ɔ nɔ ɔ, bi nɛ ɔ ma ba wo wa bua.” Lɔ ɔ he ɔ, e wo jokuɛ ɔ biɛ ke Noa.