Mose I, 4:10 - BAIBLO ALOO NGMAMI KLƆUKLƆU Ɔ

¹⁰ Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

Mose I, 4:10 ပူးပေါင်းရင်းမြစ်များ

Mose I, 18:20

Kɛkɛ nɛ Yawɛ de Abraham ke, “I nu Sodom kɛ Gomora he sane yaya babauu nitsɛ, kaa a yayami ɔ nya wa.

Mose I, 3:13

Yawɛ Mawu bi yo ɔ ke, “Mɛni ha nɛ o pee nɔ́ nɛ ɔ?” Yo ɔ he nɔ ke, “Sinɔ ɔ lɛ mlɔɔ mi; enɛ ɔ he je nɛ i ye ɔ nɛ.”

Mose I, 9:5

Ke nɔ ko pue nɔmlɔ adesa muɔ si ɔ, a maa gbla e tue. Lohwe tsuaa lohwe nɛ maa gbe nɔmlɔ adesa a, ma gbe lɛ.

Matsɛmɛ II, 9:26

‘Niinɛ, hiɛ benɛ i na Nabot kɛ e binyumu ɔmɛ a muɔ ɔ nɛ pueɔ si ɔ, i wo si kaa ja i gbla o tue ngɛ zugba nɛ ɔ nɔuu nɔ. Imi Yawɛ lɛ i de!’ Lɔ ɔ he ɔ, ngɔɔ Yoram gbogboe ɔ nɛ o ya sake ngɔ fɔ jamɛ a zugba a nɔ kaa bɔ nɛ Yawɛ de to ɔ!”

Kronika II, 28:9

Yawɛ gbalɔ ko nɛ a tsɛɛ lɛ Oded ngɛ Samaria jamɛ a be ɔ mi. Benɛ Israel tabo ɔ kpale a se kɛ ma Samaria a, Oded ya kpee mɛ, nɛ e de mɛ ke, “Yawɛ, nyɛ nɛmɛ a Mawu ɔ mi mi fu Yuda, nɛ e ngɔ mɛ ngɔ wo nyɛ dɛ mi. Se nyɛ gbe mɛ basabasa nɛ mɔbɔ nami ko be mi; nɛ Yawɛ nu nɔ́ nɛ ɔ he.

Hiob 16:18

Zugba, yayamihi nɛ a pee mi ɔ, koo ha a nɔ! Ngmlaa nɛ i ngɛ kpae kaa a ye dami sane ha mi ɔ, ko ha nɛ ngmlaa a nya nɛ ba si!

Hiob 24:12

O maa nu nɛ nihi ngɛ kɛmɛe ngɛ ma a mi; o maa nu nɛ nihi nɛ plaa a ngɛ ngmlaa kpae, nɛ a ngɛ yemi kɛ buami hlae. Se Mawu bui mɛ tue fɛɛ.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

La 72:14

E heɔ a yi wami kɛ jeɔ yi mi wami, kɛ awi yemi mi; ejakaa nɔ tsuaa nɔ muɔ he jua wa ngɛ e hɛ mi.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

La 9:13

Yawɛ, mo nɛ o jeɔ mi kɛ jeɔ gbenɔ dɛ mi. Hyɛ bɔ nɛ ye he nyɛli ngɛ mi haoe ha nɛ o na mi mɔbɔ,

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Mose IV, 35:33

Ke nyɛ pee ja a, nyɛ ble zugba a nɛ nyɛ ngɛ nɔ ɔ. Muɔ bleɔ zugba, nɛ kpatami nɔ́ ko be kɛ ha zugba nɛ a pue muɔ si ngɛ nɔ kaa ja nɔ nɛ pue muɔ si ɔ nɔuu e muɔ.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Ni Tsumi 5:9

Jehanɛ Petro bi lɛ ke, “Kɛ pee kɛɛ nɛ nyɛ pee nyɛ nya kake kɛ ye Nyɔmtsɛ ɔ Mumi ɔ lakpa a, nyɛ susu kaa nyɛ maa ye nyɛ he lo? Hyɛ, nihi nɛ ya pu o huno ɔ, mɛ lɛ a kpale kɛ ma a nɛ; a ma wo mo hu kɛ ho!”

Mose V, 21:1

“Ke a na nɔ ko nɛ a gbe lɛ fɔ si ngɛ nga mi ngɛ zugba a nɛ Yawɛ, o Mawu ɔ ma ngɔ ha mo ɔ nɔ, nɛ a li nɔ nɛ gbe lɛ ɔ,

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

Samuel I, 13:11

Se Samuel bi lɛ ke, “Mɛni o pee nɛ ɔ?” Saul he nɔ ke, “Ma a ngɛ gbɛe kɛ ngɛ fĩae ngɛ ye he, nɛ mo hu o bɛ be nɛ o to mi ɔ. Jehanɛ se hu, Filisti bi ɔmɛ ngɛ a he nya buae ngɛ Mikmash.