Mose I, 4:1 - BAIBLO ALOO NGMAMI KLƆUKLƆU Ɔ

¹ Adam kɛ e yo Hawa na bɔmi, nɛ Hawa ba na mi nɛ e fɔ binyumu, nɛ e wo lɛ biɛ ke Kain. Hawa de ke, “I wo lɛ kikɛmɛ a biɛ nɛ ɔ, ejakaa Yawɛ ji nɔ nɛ piɛ ye he nɛ i kɛ na binyumu nɛ ɔ nɛ.”

Mose I, 4:1 ပူးပေါင်းရင်းမြစ်များ

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Mose I, 4:25

Adam kɛ e yo ɔ na bɔmi ekohu nɛ e fɔ binyumu, nɛ Hawa wo lɛ biɛ ke Set. Hawa de ke, “I wo lɛ kikɛmɛ a biɛ nɛ ɔ, ejakaa Mawu ha mi binyumu kɛ to Habel nɛ Kain gbe lɛ ɔ nane mi.”

Mose I, 5:29

E de ke, “Dengme nɛ wa ngɛ gboe kɛ ngɛ ní tsue ngɛ zugba nɛ Yawɛ gbiɛ ɔ nɔ ɔ, bi nɛ ɔ ma ba wo wa bua.” Lɔ ɔ he ɔ, e wo jokuɛ ɔ biɛ ke Noa.

Mose IV, 31:17

Lɔ ɔ he ɔ, nyɛɛ gbe nyumuyo tsuaa nyumuyo, kɛ yo tsuaa yo nɛ le nyumu.

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Mose I, 4:2

Kain se ɔ, Hawa fɔ binyumu ekohu nɛ e wo lɛ Habel. Habel ní tsumi ji to hyɛmi, se Kain lɛɛ ngmɔ hulɔ ji lɛ.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.