Mose I, 39:3 - BAIBLO ALOO NGMAMI KLƆUKLƆU Ɔ

³ Benɛ Yosef nyɔmtsɛ ɔ na kaa Yawɛ gbaa Yosef, nɛ e haa e yeɔ manye ngɛ nɔ́ tsuaa nɔ́ mi ɔ,

Mose I, 39:3 ပူးပေါင်းရင်းမြစ်များ

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

Mose I, 30:27

Laban he nɔ ke, “I kpa mo pɛɛ nɛ o bu nɔ́ nɛ ma de nɛ ɔ tue. I ya bi ní, nɛ a de mi ke o he nɛ Yawɛ gbaa mi ngɛ.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Kronika II, 26:5

Be mi nɛ Zakaria ngɛ je mi ɔ, Uzia sɔmɔ Yawɛ kɛ e tsui tsuo; enɛ ɔ he je ɔ, Yawɛ hu gbaa lɛ. Zakaria ji nɔ nɛ tsɔɔ Uzia Mawu gbeye yemi.

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Mose I, 21:22

Jamɛ a be ɔ mi ɔ, Abimelek kɛ e tatsɛ Fikol ba Abraham ngɔ. Abimelek de Abraham ke, “Nɔ́ tsuaa nɔ́ nɛ o ngɛ pee ɔ, Mawu piɛɔ o he.

Mose I, 26:28

A he nɔ ke, “Jehanɛ lɛɛ wa yɔse kaa Yawɛ kɛ mo ngɛ, nɛ wa susu kaa e sa kaa somi ko nɛ hi wa kpɛti. Wa ngɛ hlae nɛ o wo wɔ si

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Nehemia 2:20

I he nɔ ke, “Mawu nɛ ngɛ hiɔwe ɔ ma ha wa maa ye manye. E tsɔli ji wɔ, nɛ wa ma bɔni gbogbo ɔ fiami. Nyɛɛ lɛɛ nyɛ be blɔ nya ko, loo weto ní, loo kaimi nɔ́ ko ngɛ Yerusalem.”

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!

Samuel I, 18:28

Saul ba yɔse faii kaa Yawɛ kɛ David ngɛ, nɛ e biyo Mikal ɔ hu suɔ lɛ.

Mose I, 39:23

Pamitsɛmɛ ɔmɛ a nɔ hyɛlɔ ɔ pa gba we e he nya hu kaa nɔ́ ko nɛ e to kɛ wo Yosef dɛ mi ɔ, lɛ nitsɛ e ma pa hyɛ nɔ. Ejakaa Yawɛ kɛ Yosef ngɛ, nɛ nɔ́ tsuaa nɔ́ nɛ e peeɔ ɔ, e yeɔ manye.

Mose I, 30:30

Benɛ i ba a, lohwe bɔɔ pɛ o ngɛ. Se amlɔ nɛ ɔ lohwe ɔmɛ bɔ, nɛ a he hiɛ babauu; Yawɛ gu ye nɔ nɛ e kɛ gbaa mo babauu. Amlɔ nɛ ɔ, e su be nɛ ma to blɔ nya kɛ ha imi nitsɛ ye we ɔ.”

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 21:20

Mawu gbaa jokuɛ ɔ nɛ e ba wa. E hi Paran nga a nɔ, nɛ e ba pee detsɛ kpanaa. E nyɛ hla yo ha lɛ kɛ je Egipt, nɛ e ngɔ.

Mose I, 39:2

Yawɛ gbaa Yosef nɛ e ya nɔ ngɛ nɔ́ tsuaa nɔ́ mi; nɛ e sɔmɔ ngɛ e we Egipt nyɔmtsɛ ɔ we ɔ mi.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Mose I, 21:23

Lɔ ɔ he ɔ, ka mi kita ngɛ Mawu hɛ mi ngɛ hiɛmɛ nɛ ɔ, kaa o be imi, aloo ye bimɛ, aloo ye nina sisie kɔkɔɔkɔ. Kaa bɔ nɛ i kɛ mo hi si saminya a, mo hu o kɛ imi, kɛ zugba a nɛ o ba to nubwɔ ngɛ nɔ ɔ nɛ hi si ja nɔuu.”

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Samuel I, 3:19

Nɛ́ Samuel ngɛ wae ɔ, Yawɛ kɛ lɛ ngɛ, nɛ nɔ́ tsuaa nɔ́ nɛ Samuel de ɔ, Yawɛ haa e baa mi ja pɛpɛɛpɛ.

Kronika I, 9:20

Eleazar bi Finehas hyɛ a nɔ be ko mi. Yawɛ kɛ lɛ hi si!

Kronika II, 1:1

Matsɛ David bi Salomo tsɛ yemi ɔ ya nɔ wawɛɛ nitsɛ. Yawɛ, e Mawu ɔ gbaa lɛ, nɛ e pee lɛ nɔmlɔ ngua.