Mose I, 39:14 - BAIBLO ALOO NGMAMI KLƆUKLƆU Ɔ

¹⁴ e tsɛ tsɔli ɔmɛ nɛ tsuɔ ní ngɛ we ɔ mi ɔ, nɛ e de mɛ ke, “Nyɛɛ hyɛ! Ye huno ya ngɔ kikɛmɛ a Hebri no nɛ ɔ kɛ ba futu wɔ, konɛ e ba ye wa he fɛu. Nyumu nɛ ɔ ba ye ngɔ konɛ e ba tua mi, se i kpa bubuubui.

Mose I, 39:14 ပူးပေါင်းရင်းမြစ်များ

1 Petro 2:20

Ke o pee nɔ́ nɛ dɛ, nɛ a ngɛ mo kpa fiae ngɛ he, nɛ o to o tsui si ɔ, mɛni se nami ngɛ he? Se ke o pee kpakpa, nɛ o ngɛ he amanehlu nae, nɛ o to o tsui si ɔ, Mawu maa gbaa mo.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Mateo 26:59

Osɔfo nikɔtɔma amɛ, kɛ kpe ngua a tsuo hla kaa a maa na lakpa odase ko ngɛ Yesu he, konɛ a gbe lɛ;

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

La 120:3

Nyɛ lakpatsɛmɛ, mɛni nyɛ ngɛ hlae nɛ a ha nyɛ? Mɛni po nɛ nyɛ pa ngɛ hlae nɛ a pee ha nyɛ?

La 55:3

Ye he nyɛli ɔmɛ ngɛ ye he gbeye woe. Yiwutsotsɛmɛ ngɛ mi yi mi wae. A ngɛ mi haoe, nɛ a mi mi fu mi wawɛɛ kɛ ngɛ mi nyɛe yaka.

La 35:11

Lakpa odasehi teɔ si kɛ woɔ mi; a poɔ ye nya, nɛ a deɔ níhi nɛ i li he nɔ́ ko kɛ siɔ mi.

Mose I, 40:15

Pani nya nɛ a nu mi kɛ je Hebri bi ɔmɛ a zugba a nɔ kɛ ba hiɛ ɔ; nɛ Egipt hiɛmɛ nɛ ɔ hu i pee we nɔ́ ko nɛ sa kaa a wo mi tsu.”

Mose I, 39:17

Kɛkɛ nɛ yo ɔ bɔ lɛ kikɛmɛ a amaniɛ nɛ ɔ nɔuu ke, “Hebri no tsɔlɔ nɛ ɔ nɛ o ngɔ ba futu wɔ ɔ ba ye ngɔ, nɛ e hla kaa e ma tua mi.

Mose I, 39:7

Saii mi ɔ, e nyɔmtsɛ ɔ yo ɔ bɔni e se nyɛɛmi nɛ e kɛ lɛ nɛ na bɔmi.

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.

Mose I, 10:21

Yafet wetsɛ Shem ji Hebri bi ɔmɛ tsuo a nɛ̃.

2 Korintobi 6:8

Ni komɛ woɔ wa hɛ mi nyami, se ni komɛ gbeɔ wa he guɛ; ni komɛ jɛɔ wɔ, se ni komɛ hu jeɔ wa yi. A tsɛɔ wɔ nɔ sisili, se anɔkuale wa tuɔ.

Ezekiel 22:5

Nihi nɛ ngɛ ma se tsitsaa, kɛ ni nɛmɛ nɛ ngɛ kpo nya tsuo maa ye o he fɛu; ejakaa o he guɛ gbo, nɛ basabasa sɔuu a peeɔ ngɛ o mi.

Mose I, 39:13

Benɛ yo ɔ na kaa Yosef tu fo kɛ je e tade ɔ he ngɛ e dɛ mi ɔ,

Mose I, 39:15

Benɛ e nu nɛ i ngɛ bubuubui ɔ kpae ɔ, e tu fo kɛ je kpo, nɛ e je e tade ɔ he.”