Mose I, 39:10 - BAIBLO ALOO NGMAMI KLƆUKLƆU Ɔ

¹⁰ Yo nɛ ɔ hao Yosef daa ligbi kɛ kikɛmɛ a munyu nɛ ɔ; se Yosef kplɛɛ we kaa e kɛ lɛ ma na bɔmi, loo e maa hɛ lɛ kɛ su e he po.

Mose I, 39:10 ပူးပေါင်းရင်းမြစ်များ

Mose I, 39:8

Yosef kplɛɛ we; nɛ e de e nyɔmtsɛ ɔ yo ɔ ke, “Hyɛ, ye nyɔmtsɛ gba we e he nya ngɛ nɔ́ ko nɔ́ ko he ngɛ we nɛ ɔ mi, ejakaa i ngɛ hiɛ ɔ. E to e nɔ́ tsuaa nɔ́ ngɔ wo ye dɛ.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

1 Korintobi 6:18

Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

Abɛ Womi 23:27

Yo yaholɔ, loo yo nɛ puɛɔ gba ngɛ kaa klama nɛ a tsɔ; e kɛ nɔ yaa gbenɔ mi.

Abɛ Womi 22:14

Yo yaholɔ nya mi ngɛ kaa muɔ voo nɛ a tsua kɛ fɔ si. Nihi nɛ Yawɛ mi mi fu mɛ lɛ a nɔɔ muɔ nɛ ɔ mi.

Abɛ Womi 7:5

Ke o pee ja a, a ma je mo kɛ je yo yaholɔ dɛ mi, nɛ yo gba puɛlɔ kɛ e nya mi dɔkɔɔ be o he blɔ nae.

Abɛ Womi 5:8

Hɛɛ mo kɛ je yo kaa kikɛ nɛ ɔ he; e tsu nya tete po koo ya.

Abɛ Womi 5:3

Ke yo yaholɔ fiɔ o nya he ɔ, e lilɛ ngɔɔ pe hwo; e nya mi munyu hu ngɛ ngleinglei kaa nu.

Abɛ Womi 2:16

Ke o bu mi tue ɔ, lɛɛ yo yaholɔ ko nɛ ma hla kaa e kɛ e nya mi munyu ngɔngɔɛ ma puɛ o tue ɔ, ma je mo kɛ je e dɛ mi:

Abɛ Womi 1:15

Ye bi, o kɛ kikɛmɛ a nimli ko bɔ. Koo nyɛɛ a se.

Abɛ Womi 9:16

“Nɔ tsuaa nɔ nɛ be juɛmi ɔ, e ba hiɛ ɔ!” Nyumu kuasia hu, nɔ́ nɛ e deɔ lɛ ji,

Abɛ Womi 9:14

Daa nɛ ɔ, e hii si ngɛ e sinya nya, loo ma a mi he nɛ ya hiɔwe pe lɛ tsuo.

Abɛ Womi 7:13

Kɛkɛ nɛ yo ɔ nu niheyo ɔ, nɛ e fua lɛ atuu. E hyɛ niheyo ɔ hɛ mi gaa nɛ́ zo pee we lɛ, nɛ e de ke,

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

Mose I, 39:11

Se ligbi ko benɛ Yosef ba we ɔ mi nɛ e ba tsu ní ɔ, tsɔli ɔmɛ a ti nɔ ko be we ɔ mi.

Abɛ Womi 23:28

E woɔ ka kaa ojo fialɔ, nɛ e haa nyumuhi babauu puɛɔ gba.