Mose I, 38:9 - BAIBLO ALOO NGMAMI KLƆUKLƆU Ɔ

⁹ Se Onan le kaa bimɛ ɔmɛ ba be e nɔ pee. Enɛ ɔ he je ɔ, be tsuaa be nɛ e kɛ e nyɛmi ɔ yo ɔ ma na bɔmi ɔ, e haa nɛ nyu nɛ jeɔ e he ɔ pueɔ zugba, bɔ nɛ pee nɛ e ko fɔ bimɛ ha e nyɛmi ɔ.

Mose I, 38:9 ပူးပေါင်းရင်းမြစ်များ

Mose I, 38:10

Se nɔ́ nɛ e pee nɛ ɔ sɛ́ Yawɛ hɛ mi; lɔ ɔ he ɔ, Yawɛ gbe lɛ hulɔ.

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Mose V, 25:5

“Ke nyɛminyumuhi enyɔ hi si, nɛ a ti nɔ kake gbo nɛ e be bi nyumu ɔ, nɔ nɛ gbo ɔ yo ɔ ko ya gba nɔ ko ngɛ weku kpa mi; e ji e huno ɔ nyɛminyumu ɔ blɔ nya kaa e ngɔ lɛ.

Mose V, 25:6

Kekleekle binyumu nɛ e ma fɔ ɔ, é ye nyɛminyumu nɛ gbo ɔ nane mi, konɛ e biɛ ko laa ngɛ Israel.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

Yakobo 3:16

He nɛ hunga jemi ngɛ, nɛ nihi suɔ kaa e hi ha mɛ pɛ ɔ, lejɛ ɔ nɛ a naa sakasaka peemi, kɛ awi yemi slɔɔtohi babauu ngɛ.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

Rut Womi 1:11

Se Naomi de mɛ ke, “Ye bimɛ, nyɛɛ kpale nyɛ se! Mɛni he je nyɛɛ kɛ mi maa yaa? Nyɛ susu kaa ma nyɛ ma fɔ binyumuhi ekohu ha nyɛ nɛ nyɛɛ kɛ mɛ nɛ hi si lo?

Rut Womi 4:10

Jehanɛ se ɔ, Rut, Moab yo ɔ, nɛ ji Malon yalɔyo ɔ, ba peeɔ ye yo. Enɛ ɔ he je ɔ, gbosi ní ɔ hu maa hi Malon weku ɔ dɛ, bɔ nɛ pee nɛ Elimelek biɛ ko laa ngɛ e nyɛmimɛ ɔmɛ a kpɛti ngɛ e ma a mi. Nɔ́ nɛ nyɛ na mwɔnɛ ɔ, nyɛ ma nyɛ maa ye he odase hwɔɔ se.”