Mose I, 38:7 - BAIBLO ALOO NGMAMI KLƆUKLƆU Ɔ

⁷ Yuda bitɛte Er pee e he nɔmlɔ yayami. Nɔ́ nɛ ɔ ngɔɛ Yawɛ nya; lɔ ɔ he ɔ, Yawɛ gbe lɛ.

Mose I, 38:7 ပူးပေါင်းရင်းမြစ်များ

Kronika I, 2:3

Yuda bimɛ ɔmɛ tsuo ɔ, mɛ ni enuɔ. E kɛ e yo Batshua, Kanaan no ɔ fɔ binyumuhi etɛ. Mɛ ji Er, Onan, kɛ Shela. Er bitɛte ɔ, nɔmlɔ yayami ji lɛ; enɛ ɔ he je ɔ, Yawɛ gbe lɛ.

Mose I, 46:12

Yuda kɛ e binyumu ɔmɛ: Shela, Perez, kɛ Zera. (Yuda binyumu kpahi, Er kɛ Onan ɔ, mɛɛ a gbo ngɛ Kanaan zugba a nɔ.) Perez binyumuhi ji: Hezron kɛ Hamul.

Mose IV, 26:19

Yuda wɛtso ɔ: wekuhi nɛ ngɛ mi ji Shela weku ɔ, kɛ a nyatsɛ Shela; Perez weku ɔ, kɛ a nyatsɛ Perez; Zera weku ɔ, kɛ a nyatsɛ Zera; Hezron weku ɔ, kɛ a nyatsɛ Hezron; Hamul weku ɔ, kɛ a nyatsɛ Hamul (Yuda binyumuhi ji Er kɛ Onan, se mɛɛ a gbo ngɛ Kanaan zugba a nɔ.)

Mose I, 19:13

ejakaa wa yaa kpata ma a hɛ mi. Yawɛ nu ma nɛ ɔ mi a he sane yayamihi babauu nitsɛ, nɛ lɔ ɔ he ɔ, e tsɔ wɔ konɛ wa ba kpata Sodom hɛ mi.”

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Kronika II, 33:6

E ngɔ e binyumuhi kɛ sã sami bɔhi ngɛ Hinom kɔ̃ ɔ mi. E kla, e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Mose I, 6:8

Se Noa lɛɛ, Yawɛ bua jɔ e he.

Mose I, 38:6

Yuda ya ngɔ yo ko nɛ a tsɛɛ lɛ Tamar ba ha Er, e bitɛte ɔ.

Samuel I, 2:25

Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.

Matsɛmɛ I, 17:20

Eliya fa kue ha Yawɛ ke, “Yawɛ, ye Mawu lee! Mɛni he je nɛ o kɛ yalɔyo nɛ i ba to lɛ nɛ ɔ ye sane yaya kaa kikɛ nɛ ɔ? Mɛni he je nɛ o gbe e binyumu ɔ?”