Mose I, 38:5 - BAIBLO ALOO NGMAMI KLƆUKLƆU Ɔ

⁵ E kpale fɔ binyumu ekohu, nɛ e wo lɛ Shela. Benɛ a fɔ binyumuyo nɛ ɔ, Yuda ngɛ Akzib.

Mose I, 38:5 ပူးပေါင်းရင်းမြစ်များ

Mose I, 38:11

Kɛkɛ nɛ Yuda de e nganyɛ Tamar ke, “Yaa nɛ o ya hi si ngɛ o tsɛ we ɔ mi kaa yalɔyo kɛ yaa si ye bi Shela maa wa.” E de enɛ ɔ, ejakaa e ye gbeye kaa lɛ hu e ma ba gbo kaa bɔ nɛ e nyɛmimɛ ɔmɛ gbo ɔ. Lɔ he ɔ, Tamar je kɛ ho e tsɛ we mi ya.

Mose I, 38:26

Yuda le ní ɔmɛ a mi tso, nɛ e de ke, “E nɔ́ da; ye nɔ́ be mi. Jinɛ e sa kaa i ko ngɔ lɛ ngɔ ha ye bi Shela nɛ e gba lɛ.” Nɛ́ pee ja a, Yuda kɛ Tamar na we bɔmi hu.

Mose I, 38:6

Yuda ya ngɔ yo ko nɛ a tsɛɛ lɛ Tamar ba ha Er, e bitɛte ɔ.

Mose I, 46:12

Yuda kɛ e binyumu ɔmɛ: Shela, Perez, kɛ Zera. (Yuda binyumu kpahi, Er kɛ Onan ɔ, mɛɛ a gbo ngɛ Kanaan zugba a nɔ.) Perez binyumuhi ji: Hezron kɛ Hamul.

Kronika I, 2:3

Yuda bimɛ ɔmɛ tsuo ɔ, mɛ ni enuɔ. E kɛ e yo Batshua, Kanaan no ɔ fɔ binyumuhi etɛ. Mɛ ji Er, Onan, kɛ Shela. Er bitɛte ɔ, nɔmlɔ yayami ji lɛ; enɛ ɔ he je ɔ, Yawɛ gbe lɛ.

Kronika I, 4:21

Shela ji Yuda binyumu ɔmɛ a ti nɔ kake. E nina ji nɛ ɔmɛ nɛ: Er, nɔ nɛ to Leka ma a sisi ɔ, Laada, nɔ nɛ to Meresha ma a sisi ɔ, kploba loli a weku ɔ nɛ hi Bet Ashbea a, Yokim, Kozeba weku ɔmɛ, Yoash kɛ Saraf, nɔ nɛ ngɔ Moab yihi nɛ e ye tsɛ ngɛ Moab, nɛ lɔ ɔ se loko e ba hi Betlehem ɔ. (Blema lokoo sanehi ji nɛ ɔmɛ nɛ.)

Mose IV, 26:19

Yuda wɛtso ɔ: wekuhi nɛ ngɛ mi ji Shela weku ɔ, kɛ a nyatsɛ Shela; Perez weku ɔ, kɛ a nyatsɛ Perez; Zera weku ɔ, kɛ a nyatsɛ Zera; Hezron weku ɔ, kɛ a nyatsɛ Hezron; Hamul weku ɔ, kɛ a nyatsɛ Hamul (Yuda binyumuhi ji Er kɛ Onan, se mɛɛ a gbo ngɛ Kanaan zugba a nɔ.)