Mose I, 38:23 - BAIBLO ALOO NGMAMI KLƆUKLƆU Ɔ

²³ Yuda de ke, “Ha ní ɔmɛ nɛ a hi e dɛ. Wa be suɔe nɛ nihi nɛ a ba muɔ wɔ; i bɔ mɔde kaa ma wo lɛ hiɔ, se mo nɛ o nɛ lɛ.”

Mose I, 38:23 ပူးပေါင်းရင်းမြစ်များ

Kpojemi 16:15

Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”

Efesobi 5:12

(Níhi nɛ nihi peeɔ ngɛ laami mi ɔ ngɛ zo tsɔ kaa a maa wo ta tete).

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Romabi 6:21

Níhi nɛ nyɛ pee, nɛ jehanɛ lɛɛ a he ngɛ nyɛ zo pee ɔ, mɛni se nyɛ na kɛ je mi? Nɔ́ nɛ jeɔ mi ji gbenɔ!

Abɛ Womi 6:33

A maa plaa lɛ; a ma pue e hɛ mi si, nɛ zo maa gbe lɛ kpɔtɔɔ.

Samuel II, 12:9

Mɛni he je mɔ nɛ o tɔ Yawɛ mlaa a nɔ, nɛ o pee yayami kaa kikɛ nɛ ɔ ngɛ e hɛ mi? O ha Amon bi ɔmɛ gbe Uria, Hit no ɔ ngɛ ta nga a nɔ, nɛ o ngɔ e yo ɔ kɛ ba pee o yo!

Mose I, 38:22

Hira kpale e se kɛ ba Yuda ngɔ ekohu, nɛ e ba de lɛ ke, “I nɛ yo ɔ. Nyumu ɔmɛ nɛ ngɛ lejɛ ɔ hu ke yo yaholɔ ko kaa ja be lejɛ ɔ.”

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”