Mose I, 37:9 - BAIBLO ALOO NGMAMI KLƆUKLƆU Ɔ

⁹ Pee se ɔ, Yosef nla nlami kpa, nɛ e bɔ e nyɛmimɛ ɔmɛ ke, “I pa nla nlami kpa. I nla nɛ pu kɛ hlami kɛ dodoe nyɔngma kɛ kake ba kpla si ngɛ ye hɛ mi.”

Mose I, 37:9 ပူးပေါင်းရင်းမြစ်များ

Mose I, 37:7

Wɔ tsuo wa ngɛ ngmɔ mi nɛ wa ngɛ ngma fie. Kɛkɛ nɛ ye ngma a nɛ i fi ɔ te da si; nɛ nyɛ ngma amɛ ba bɔle ye ngma a, nɛ a kpla si ha lɛ.”

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Daniel 8:10

E he wami ɔ ba pue nɔ; e kɛ hiɔwe tabo nɛ ji dodoe ɔmɛ nitsɛnitsɛ hwu ta, nɛ e hɛ ekomɛ ngɔ pue zugba, nɛ e naa a nɔ.

Mose I, 47:12

Yosef ha e tsɛ, kɛ e nyɛmimɛ ɔmɛ, kɛ e tsɛ weku li ɔmɛ, kɛ a bimɛ tsɔwitsɔwi ɔmɛ tsuo niye ní, bɔ nɛ su nɔ tsuaa nɔ nya.

Mose I, 46:29

Yosef hi e zugba ta lɛ ɔ mi, nɛ e ho konɛ e ya kpee e tsɛ ngɛ Goshen. Benɛ a kpe hɛ mi kɛ hɛ mi ɔ, Yosef kɛ e nine kpla e tsɛ kuɛ mi, nɛ e fo ya ngɔ pue e nɔ hluu.

Mose I, 45:9

“Lɔ ɔ he ɔ, nyɛɛ kpale kɛ ho tsaatsɛ ngɔ ya esɔesɔ, nɛ nyɛ ya de lɛ ke bɔ nɛ e bi Yosef ɔ de ji nɛ ɔ nɛ: ‘Mawu ngɔ mi ngɔ pee Egipt zugba a tsuo nɔ yelɔ. Lɔ ɔ he ɔ, ba nɔuu; koo to tsle.

Mose I, 44:19

I kpa mo pɛɛ, o bi wɔ ke, ‘Nyɛ tsɛ ngɛ je mi lo? Nyɛ ngɛ nyɛminyumu kpa ko hu lo?’

Mose I, 44:14

Benɛ Yuda kɛ e nyɛmimɛ ɔmɛ ba Yosef we ɔ mi ɔ, Yosef ngɛ lejɛ ɔ kɛ mwɔɔ. Kɛkɛ nɛ a kpla si, nɛ a kɛ a hɛ mi bu si ngɛ e hɛ mi.

Mose I, 43:28

A he nɔ ke, “Wa tsɛ ngɛ je mi kɛ mwɔɔ; e ngɛ saminya.” Kɛkɛ nɛ a kpla si, nɛ a kɛ a hɛ mi bu si.

Mose I, 41:32

Bɔ nɛ a tĩ o nlami ɔ mi si enyɔ ɔ tsɔɔ kaa Mawu to e yi mi kaa e maa pee nɔ́ nɛ ɔ niinɛ; nɛ e be kɛe kulaa.

Mose I, 41:25

Yosef de matsɛ ɔ ke, “O nlami ɔmɛ tsuo, nlami kake; Mawu je nɔ́ ko nɛ e yaa pee ɔ kpo ngɔ tsɔɔ mo.

Mose I, 37:10

E ya bɔ e tsɛ hu nlami nɛ ɔ, nɛ e tsɛ ka e hɛ mi ke, “Mɛni nlami ji nɛ ɔ? Lɛɛ tse i kɛ o nyɛ kɛ o nyɛmimɛ ɔmɛ ma ba kpla si ha mo lo?”

Mose I, 37:8

E nyɛmimɛ ɔmɛ bi lɛ ke, “Lɛɛ tse o ma ba ye wa nɔ matsɛ, pi ja lo?” Nlami ɔ nɛ Yosef sɛɛ ha e nyɛmimɛ ɔmɛ ha nɛ e nyɛmimɛ ɔmɛ nyɛ lɛ pe kekle ɔ.

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Mose I, 43:26

Benɛ Yosef ba we ɔ mi ɔ, a ngɔ nike ní ɔmɛ nɛ a hɛɛ kɛ ba a ngɔ ha lɛ, nɛ a kpla si nɛ a kɛ a hɛ mi bu si ngɛ e hɛ mi.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.