Mose I, 37:34 - BAIBLO ALOO NGMAMI KLƆUKLƆU Ɔ

³⁴ Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Mose I, 37:34 ပူးပေါင်းရင်းမြစ်များ

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Samuel II, 3:31

David fa Yoab kɛ e we bi ɔmɛ ke, “Nyɛ hía tade ɔmɛ ngɛ nyɛ he, nɛ nyɛ bu kpekpe ya bo kɛ nyɛ ya, nɛ nyɛɛ wo yana ha Abner.” Matsɛ David nitsɛ nyɛɛ gbogboe ɔ se.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Ni Tsumi 14:14

Benɛ Barnaba kɛ Paulo nu he ɔ, a hía a tade ngɛ a he, nɛ a sa fo kɛ ya sɛ ni kpekpemi a kpɛti kɛ ngmlaa ke,

Mateo 26:65

Kɛkɛ nɛ osɔfo nɔkɔtɔma pe kulaa a hía tade klɔii ɔ nɛ e wo ɔ, nɛ e de ke, “E bɔ musu! Anɛ odase yeli kpahi a he pa hia wɔ lo? Jehanɛ lɛɛ, tse nyɛ nu kaa e bɔ musu!

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Yesaya 36:22

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Yesaya 32:11

Nyɛ yihi nɛ nyɛ he mi jɔ nyɛ, nɛ haomi ko be nyɛ nɔ, jehanɛ lɛɛ nyɛɛ ye gbeye, nɛ nyɛ he nɛ do blibliibli! Nyɛ kpa bo ngɛ nyɛ he, nɛ nyɛɛ hɛɛ nyɛ he gu. Nyɛɛ ngɔ kpekpe ya bo kɛ fi nyɛ mlɛ mi.

La 69:11

Ke i ha kpekpe ya bo ɔ, kɛkɛ i plɛ pee blakpa fiami nɔ́ ha mɛ.

Hiob 2:12

Benɛ a ma ngɛ tsitsaa a, a na Hiob, se a yo we lɛ. Benɛ a ba yo lɛ ɔ, a wo yana nɛ a nya awe. A kɛ aywilɛho hía tade ɔmɛ ngɛ a he, nɛ a fĩa bunyuku kɛ ho hiɔwe ya kɛ pue a yi mi.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Nehemia 9:1

Jamɛ a nyɔhiɔ ɔ ligbi nyingmi enyɔ kɛ eywiɛne ɔ nɔ ɔ, Israel bi ɔmɛ ba kpe konɛ a ha hwɔ, nɛ a pia a he ngɛ a yayami ɔmɛ a he. Jamɛ a be ɔ mi ɔ, Israel bi ɔmɛ tsɔ a he kɛ je nibwɔ ɔmɛ tsuo a he momo. Israel bi ɔmɛ bu kpekpe ya bo, nɛ a ngɔ bunyuku ngɔ pue a yi mi kɛ ye kɔmɔ. Jehanɛ, a da si nɛ a bɔni mɛ nitsɛmɛ, kɛ a nɛmɛ ɔmɛ a he yayamihi nɛ a pee ɔ jajemi.

Kronika I, 21:16

David na Yawɛ bɔfo ɔ nɛ daa si ngɛ hiɔwe kɛ zugba a kpɛti. E hɛɛ e klaate ɔ ngɛ e dɛ mi, nɛ e miɔ nɛ e ma kpata Yerusalem hɛ mi. Kɛkɛ nɛ David kɛ ma nimeli ɔmɛ tsuo kpla si, nɛ a ngɔ a hɛ mi ngɔ bu si. Mɛ tsuo a bu kpekpe.

Matsɛmɛ II, 19:1

Benɛ Matsɛ Hezekia nu amaniɛ ɔ, e kɛ aywilɛho hía e tade ɔmɛ. E bu kpekpe ya bo, nɛ e ho Yawɛ we ɔ mi ya.

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Matsɛmɛ I, 20:31

E tsɔli ɔmɛ ya de lɛ ke, “Wa nu kaa Israel matsɛmɛ ɔmɛ naa mɔbɔ. Lɔ ɔ he ɔ, ha nɛ waa ngɔ kpekpe ya bo kɛ muɔ wa mlɛ mi, nɛ waa ngɔ tangme ngɔ wo wa kuɛ, nɛ waa ya Israel matsɛ ɔ ngɔ kaa, alini e ma he o yi wami lo.”

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Mose I, 42:38

Se Yakob de ke, “Ye bi ɔ kɛ nyɛ be yae; e nyɛmi ɔ gbo, nɛ lɛ nɔ kake too e piɛ. Ke i kɛ lɛ ha nyɛ ɔ, nɔ́ ko ma ya pee lɛ ngɛ blɔ ɔ nɔ. I bwɔ, nɛ nyɛ ma ha nɛ i kɛ aywilɛho maa ya gbeje.”

Mose I, 44:13

Nyɛmimɛ ɔmɛ kɛ aywilɛho hia a he tade ɔmɛ. A ti nɔ tsuaa nɔ wo e teji nɔ ní ekohu, nɛ a kpale a se kɛ ho ma a mi ya.

Matsɛmɛ II, 2:12

Benɛ Elisha na nɔ́ nɛ ɔ, e kpa ngmlaa nɛ e de ke, “Tsaatsɛ! Tsaatsɛ! Israel ta zugba lɛhi kɛ a we okpɔngɔ ta buli!” Nɛ e nɛ lɛ hu. Lɔ ɔ se ɔ, Elisha gba lɛ nitsɛ e tade ɔmɛ a mi enyɔ.

Matsɛmɛ II, 22:11

Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Kronika I, 7:22

A tsɛ Efraim nyɛ ya ha mɛ ligbi babauu, nɛ e nyɛmimɛ ɔmɛ ba nɛ a ba jɔɔ e bua.

Hiob 16:15

I kpɛ kpekpe ngɔ ha ye he, nɛ i hii si ngɛ zugba kɛ ngɛ kɔmɔ yee.

Yeremia 48:37

A ti nɔ tsuaa nɔ sã e yi nɔ kpalokpalo, nɛ e sɛ kpɛni. Mɛ tsuo a poo a kɔnihi a he, nɛ a ngɔ kpekpe kɛ muɔ a mlɛ mi.

Manyadali 11:35

Benɛ Yefta na lɛ ɔ, e kɛ aywilɛho hía e tade ɔmɛ, nɛ e de ke, “Akuanyɛ! Ye biyo, o tsɔ ye tsui kpa! Hyɛ amanehlu nɛ o kɛ ba ye nɔ! I wo Yawɛ si, nɛ i be nyɛe ma kpale ye nya se.”