Mose I, 37:10 - BAIBLO ALOO NGMAMI KLƆUKLƆU Ɔ

¹⁰ E ya bɔ e tsɛ hu nlami nɛ ɔ, nɛ e tsɛ ka e hɛ mi ke, “Mɛni nlami ji nɛ ɔ? Lɛɛ tse i kɛ o nyɛ kɛ o nyɛmimɛ ɔmɛ ma ba kpla si ha mo lo?”

Mose I, 37:10 ပူးပေါင်းရင်းမြစ်များ

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Mose I, 37:7

Wɔ tsuo wa ngɛ ngmɔ mi nɛ wa ngɛ ngma fie. Kɛkɛ nɛ ye ngma a nɛ i fi ɔ te da si; nɛ nyɛ ngma amɛ ba bɔle ye ngma a, nɛ a kpla si ha lɛ.”

Mose I, 37:9

Pee se ɔ, Yosef nla nlami kpa, nɛ e bɔ e nyɛmimɛ ɔmɛ ke, “I pa nla nlami kpa. I nla nɛ pu kɛ hlami kɛ dodoe nyɔngma kɛ kake ba kpla si ngɛ ye hɛ mi.”

Mose I, 43:26

Benɛ Yosef ba we ɔ mi ɔ, a ngɔ nike ní ɔmɛ nɛ a hɛɛ kɛ ba a ngɔ ha lɛ, nɛ a kpla si nɛ a kɛ a hɛ mi bu si ngɛ e hɛ mi.

Mose I, 43:28

A he nɔ ke, “Wa tsɛ ngɛ je mi kɛ mwɔɔ; e ngɛ saminya.” Kɛkɛ nɛ a kpla si, nɛ a kɛ a hɛ mi bu si.

Mose I, 44:14

Benɛ Yuda kɛ e nyɛmimɛ ɔmɛ ba Yosef we ɔ mi ɔ, Yosef ngɛ lejɛ ɔ kɛ mwɔɔ. Kɛkɛ nɛ a kpla si, nɛ a kɛ a hɛ mi bu si ngɛ e hɛ mi.