Mose I, 36:7 - BAIBLO ALOO NGMAMI KLƆUKLƆU Ɔ

⁷ Esau je e nyɛmi ɔ he, ejakaa e kɛ Yakob ɔ a weto ní hiɛ babauu pe bɔ nɛ mɛ ni enyɔ ɔmɛ tsuo a ma nyɛ hi he kake; a lohwe ɔmɛ hiɛ babauu, nɛ zugba a he nɛ a ngɛ ɔ kpi mɛ.

Mose I, 36:7 ပူးပေါင်းရင်းမြစ်များ

Mose I, 13:6

Se zugba a klee we bɔ nɛ maa kpe Abram kɛ Lot tsuo. A lohwe ɔmɛ hiɛ tsɔ pe lohwe lɛmi he ɔmɛ.

Mose I, 17:8

Zugba nɛ o ba to nubwɔ ngɛ nɔ nɛ ɔ, ma ngɔ kɛ ha mo, kɛ o nina. Kanaan zugba a tsuo maa pee o nina nɔ́ kɛ maa ya neneene, nɛ ma pee a Mawu.”

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Hebribi 11:9

Hemi kɛ yemi lɛ ha nɛ Abraham ya to nubwɔ ngɛ zugba nɛ Mawu wo lɛ si ke e ma ha lɛ ɔ nɔ be saii. E kɛ Isak, kɛ Yakob nɛ siwo ɔ kɔɔ a he ɔ hi bo tsuhi a mi.

Mose I, 13:11

Lot ngɔ Yordan kɔ̃ ɔ tsuo, nɛ e hia kɛ ho beleku je ya. Bɔ nɛ ba nɛ mɛ ni enyɔ ɔmɛ a mi gba ji nɛ ɔ nɛ.

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

Yeremia 35:7

E ke wa ko po we, wa ko du ní, wa ko pee wai ngmɔ, nɛ wa ko hi ní nɛ ɔmɛ ekoeko. E wo wɔ mlaa ke waa hi bo tsu mi wa wami be ɔ tsuo, konɛ wa se nɛ kɛ ngɛ zugba a nɛ wa ba to nubwɔ ngɛ nɔ ɔ nɔ.