Mose I, 34:2 - BAIBLO ALOO NGMAMI KLƆUKLƆU Ɔ

² Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Mose I, 34:2 ပူးပေါင်းရင်းမြစ်များ

Hiob 31:9

Ke ye nyɛmi ko e yo he pee mi akɔnɔ hyɛ, nɛ i ya wo lɛ ka ngɛ ye nyɛmi nɛ ɔ sinya se ɔ,

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

Abɛ Womi 13:20

Nɔ nɛ kɛ ní leli nyɛɛɔ ɔ, e leɔ ní. Se nɔ nɛ kɛ kuasiahi bɔɔ ɔ, haomi lɛ baa e nɔ.

Hiob 31:1

I ka kita kaa i kɛ akɔnɔ hɛngmɛ be zangmayo ko hyɛe gblegbleegble.

Manyadali 14:1

Ligbi ko ɔ, Samson ya Timna, nɛ e ya na Filisti yiheyo ko ngɛ lejɛ ɔ.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Mose V, 22:29

nyumu ɔ nɛ wo yomiyo ɔ tsɛ ɔ sika hiɔ yi nyingmi enuɔ nɛ ji yo se ní ɔ; nɛ a ha nɛ e ngɔ yo ɔ, ejakaa e puɛ lɛ. E ko ngmɛɛ yo ɔ he kɛ yaa si e ma gbo.

Mose V, 22:24

A kɛ mɛ ni enyɔ ɔmɛ tsuo nɛ je ma a mi, nɛ a ya fiaa mɛ tɛ nɛ a gbo. A gbe yiheyo ɔ, ejakaa ma a mi he nɛ a tsu zo ní nɛ ɔ ngɛ ɔ, kaa e kpa ngmlaa jinɛ ni komɛ maa nu, nɛ a ma ba je ngmlaa ha lɛ. Nyumu ɔ hu, á gbe lɛ, ejakaa e kɛ yiheyo nɛ nɔ ko bi e si ya na bɔmi. Pee jã kɛ je yayami nɛ ɔ kɛ je nyɛ kpɛti.

Mose V, 21:14

Pee se, ke o sume lɛ hu ɔ, lɛɛ ha nɛ e ye e he kulaa. Akɛnɛ pi e suɔmi nya nɛ o ta e he ɔ, o be he blɔ nɛ o peeɔ lɛ kaa nyɔguɛ nɛ o juaa lɛ.

Mose I, 33:19

E he jamɛ a zugba a ngɛ Shekem tsɛ Hamor dɛ kɛ sika hiɔ yi lafa. Hamor ji nɔ nɛ to Shekem ma a sisi.

Mose I, 20:2

nɛ lej ɔ, Abrahamde ke e nyɛmiyo ji e yo Sara a nɛ. Lɔ ɔ he ɔ, Gerar matsɛ, Abimelek tsɔ nɛ a ya tsɛ Sara ba ha lɛ.

Mose I, 10:17

Hiv bi, Ark bi, Sin bi,

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Mose I, 34:3

Shekem na Dina he bua jɔmi; e suɔ lɛ saminya, nɛ e kɛ lɛ sɛɛ ni.

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

Manyadali 9:28

Ebed binyumu Gaal de ke, “Mɛni nimli po ngɛ Shekem ɔ? Mɛni he je lɛ wa ngɛ Abimelek sɔmɔe? Mɛnɔ ji jamɛ a Abimelek ɔ? Anɛ pi Yerubaal bi ji lɛ? Nɛ pi e we asafoatsɛ ji Zebul lo? Anɛ a sɔmɔ we Shekem tsɛ Hamor we bi ɔmɛ hyɛ lo? Mɛni he je nɛ wa ngɛ lɛ sɔmɔe mɔ?

Mose I, 34:27

Jehanɛ Yakob binyumu ɔmɛ tsuo ya sɛ ma a mi, nɛ a ha ní ngɛ a nyɛmiyo ɔ nɛ a pue e hɛ mi si ɔ he.

Yoshua 9:7

Se Israel bi ɔmɛ he nɔ ke, “Mɛni he je waa kɛ nyɛ maa so ɔ? Eko piɔ, kpo nya hiɛ ɔ he ko nyɛ je.”

Samuel II, 11:4

David tsɔ nɛ a ya tsɛ yo ɔ kɛ ba; nɛ benɛ e ba a, David kɛ lɛ hwɔ. Jamɛ a be ɔ, Batsheba je we mi se, nɛ e ngɛ e he tsukɔe. Kɛkɛ nɛ e kpale kɛ ho we mi ya.

Samuel II, 13:14

Se Amnon bui nɔ́ nɛ e nyɛmi ɔ ngɛ de ɔ tue; nɛ akɛnɛ e he wa pe lɛ he je ɔ, e nu lɛ pani nya, nɛ e kɛ lɛ hwɔ.