Mose I, 34:1 - BAIBLO ALOO NGMAMI KLƆUKLƆU Ɔ

¹ Ligbi ko ɔ, Lea biyo ɔ nɛ e kɛ Yakob fɔ, nɛ a tsɛɛ lɛ Dina a je kpo konɛ e ya slaa Kanaan yi ɔmɛ ekomɛ.

Mose I, 34:1 ပူးပေါင်းရင်းမြစ်များ

Mose I, 30:21

Pee se ɔ, e fɔ biyo nɛ e wo lɛ biɛ ke Dina.

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

1 Timoteo 5:13

Enɛ ɔ se hu a puɛɔ be kɛ hii nihi a we mi kpae. Nɔ́ nɛ pe enɛ ɔ po ji kaa a yeɔ sieku; a jeɔ si, nɛ a ngɔɔ a nya kɛ woɔ nihi a munyu mi; nɛ nɔ́ nɛ sɛ́ kaa a deɔ hu, a maa hi dee putɛputɛɛ.

Mose I, 46:15

Binyumuhi nɛ Yakob kɛ Lea, fɔ ngɛ Mesopotamia ji nɛ ɔmɛ nɛ. A fɔ biyo kake hulɔ, nɛ a tsɛɛ lɛ Dina. Nina tsuo pɛpɛɛpɛ, nyumuhi kɛ yihi nɛ Yakob na kɛ gu Lea nɔ ɔ, a hiɛmi ji nyingmi etɛ kɛ etɛ.

Mose I, 30:13

Lea wo lɛ biɛ ke Asher, nɛ e de ke, “Hyɛ bɔ nɛ ye bua jɔ ha! Yi kpa amɛ ma de ke a gbaa mi saminya.”

Mose I, 28:6

Esau na kaa Isak gbaa Yakob nɛ e wo lɛ blɔ kɛ ho Mesopotamia ya, konɛ e ya ngɔ yo ngɛ lejɛ ɔ. E na hu kaa benɛ Isak gbaa Yakob ɔ, e ka lɛ kita ke e ko ngɔ Kanaan yo.

Mose I, 27:46

Rebeka de Isak ke, “Jehanɛ lɛɛ ma se yiwi nɛ ɔmɛ nɛ Esau ya ngɔ ɔ, a sane ba gbe ye nya. Ke e maa ba mi kaa Yakob hu ma ya ngɔ Hit yihewi nɛ ɔmɛ a ti nɔ ko ɔ, lɛɛ afani nɛ ma gbo mohu.”

Mose I, 26:34

Benɛ Esau ye jeha nyingmi eywiɛ ɔ, e ngɔ Hit yihewi enyɔ. Mɛ ji Beeri biyo Yudit, kɛ Elon biyo Basemat.

Tito 2:5

A tsɔse mɛ, nɛ a nyɛ nɛ a ye a he nɔ saminya, nɛ a he nɛ tsɔ, nɛ a pee a he yigbayi kpakpahi nɛ le a we yi baami, nihi nɛ a mi mi jɔ, nɛ baa a he si ha a hunomɛ. Kɛkɛ ɔ, nɔ ko nɔ ko be Mawu munyu ɔ he munyu yaya tue.

Mose I, 33:20

Yakob ma bɔ sami la tɛ ngɛ lejɛ ɔ, nɛ e kɛ Israel Mawu ɔ biɛ wo lɛ.