Mose I, 32:7 - BAIBLO ALOO NGMAMI KLƆUKLƆU Ɔ

⁷ Yakob tsui po wawɛɛ nitsɛ, nɛ e hao. E gba e we bi ɔmɛ a mi enyɔ, nɛ e gba to ɔmɛ, kɛ na amɛ, kɛ afukpɔngɔ ɔmɛ a mi ngɔ wo kuu enyɔ mi ja nɔuu.

Mose I, 32:7 ပူးပေါင်းရင်းမြစ်များ

Mose I, 35:3

Wa ngɛ hiɛ ɔ jee kɛ yaa Betel. Ma ma bɔ sami la tɛ ngɛ lejɛ ɔ ha Mawu ɔ nɛ piɛ ye he ngɛ ye amanehlu be ɔ mi, nɛ e kɛ mi ngɛ kɛ ba si mwɔnɛ nɛ ɔ.”

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Yesaya 28:26

E Mawu ɔ lɛ tsɔɔ lɛ ke e pee ja pɛpɛɛpɛ ɔ nɛ.

Abɛ Womi 2:11

O he nile, kɛ o nɔ́ sisi numi maa bu o he,

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.

La 107:6

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 61:2

Ye mumi nya ngɛ tae. I ngɛ mo tsɛe kɛ je tsitsaa lokoo ngɛ je ɔ nyagbe he ɔ tɔɔ. Ngɔɔ mi kɛ ba mo, Mawu ɔ o ngɔ, konɛ ma na he jɔmi.

La 31:13

I nu nɛ nihi babauu ngɛ ye biɛ puɛe; gbeye níhi bɔle mi kɛ kpe. A ngɛ ye yi nɔ soe, konɛ a gbe mi.

Mose II, 14:10

Benɛ Farao ɔ ná mɛ ta, nɛ Israel bi ɔmɛ wo a hɛ nɔ nɛ a na kaa Egipt bi ɔmɛ nyɛɛ a se kɛ ma a, sawale nu mɛ, nɛ a kpa bubuubui kɛ tsɛ Yawɛ.

Mose I, 32:11

I kpa mo pɛɛ nɛ o je mi kɛ je ye nyɛmi Esau dɛ mi. I ngɛ gbeye yee kaa e ma ba tua wɔ nɛ e ma kpata waa kɛ wa yi ɔmɛ, kɛ wa bimɛ ɔmɛ tsuo wa hɛ mi.

La 112:5

Nɔmlɔ nɛ e mi mi jɔ, nɔ nɛ paa nɔ nɔ́, nɛ e yeɔ anɔkuale ngɛ e ní tsumi mi ɔ, á gbaa lɛ.

Mose I, 32:3

Yakob tsɔ nihi kɛ sɛ e hlami kɛ ho e nyɛmi Esau ngɔ ya ngɛ Edom zugba a nɔ.

Mose I, 32:8

E de ngɛ e yi mi ke, “Ke Esau ba tua kuu kake ɔ, kuu enyɔne ɔ maa tu fo kɛ je.”

Mose I, 33:1

Yakob na Esau nɛ e kɛ nihi lafa eywiɛ ma e ngɔ; lɔ ɔ he ɔ, e dla e bimɛ ɔmɛ ngɔ ha Lea kɛ Rahel kɛ mawayi enyɔ ɔmɛ.