Mose I, 32:4 - BAIBLO ALOO NGMAMI KLƆUKLƆU Ɔ

⁴ E fa mɛ ke a ya de Esau ke, “Ye nyɔmtsɛ, imi o tsɔlɔ Yakob ɔ, i ngɛ hae nɛ o le kaa i ya to Laban nubwɔ, nɛ i kɛ lɛ hi si be babauu kɛ ba si amlɔ nɛ ɔ.

Mose I, 32:4 ပူးပေါင်းရင်းမြစ်များ

1 Petro 3:6

Sara nitsɛ pee jã; e bu Abraham, nɛ e tsɛ lɛ e nyɔmtsɛ. Amlɔ nɛ ɔ, nyɛ peeɔ Sara bimɛ, ke nyɛ peeɔ kpakpa nɛ nyɛ yi nɔ́ ko nɔ́ ko gbeye ɔ.

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Fiɛlɔ 10:4

Ke o nɔ yelɔ mi mi fu mo ɔ, koo je o ní tsumi he ɔ; he si bami gbeɔ sanehi nɛ he wa a nya la.

Abɛ Womi 15:1

Ke o kɛ gbi blɛuu ha munyu heto ɔ, e tsiɔ abofu nya. Se munyu gegeege haa nɔ mi mi woɔ la.

Abɛ Womi 6:3

Ye bi, ke ja ji sane ɔ, lɛɛ o nyɛmi ɔ nine su o nɔ. Bɔ nɛ o maa pee nɛ o maa ye o he ji nɛ ɔ nɛ. Yaa o nyɛmi ɔ ngɔ esɔ. Yaa ba o he si ha lɛ, nɛ o kpa lɛ pɛɛ.

Matsɛmɛ I, 20:32

Kɛkɛ nɛ a kɛ kpekpe ya bo muɔ a mlɛ mi, nɛ a kɛ tangme hu wo a kuɛ, nɛ a ya Ahab ngɔ ya de lɛ ke, “O tsɔlɔ, Benhadad ke e kpa mo pɛɛ nɛ o ngɔ e he ngɔ ke lɛ.” Ahab bi ke, “Benhadad ngɛ je mi kɛ mwɔɔ lo? Ye nyɛmi ji lɛ!”

Samuel I, 26:17

Saul yɔse David gbi, nɛ e bi ke, “Ye bi David, mo ji nɛ ɔ?” David he nɔ ke, “Ee, ye nyɔmtsɛ matsɛ, imi!”

Mose II, 32:22

Aaron he nɔ ke, “Ye nyɔmtsɛ, o mi mi nɛ ko fu mi. Mo nitsɛ o le nimli nɛ ɔmɛ kaa nɔ́ yaya peemi he a nyaa.

Mose I, 33:8

Esau bi ke, “Lohwe kuukuu nɛ ɔmɛ tsuo nɛ i kɛ kpe ɔ, kɛ ji e sisi kɛɛ?” Yakob he nɔ ke, “Nike ní nɛ i kɛ ma mo, ye nyɔmtsɛ ɔ kpatami ji nɛ ɔmɛ nɛ.”

Mose I, 32:18

de lɛ ke, ‘Lohwehi nɛ o tsɔlɔ Yakob tsɔ nɛ a kɛ ba ke mo, e nyɔmtsɛ Esau ji nɛ ɔmɛ nɛ. Yakob nitsɛ ngɛ se kɛ ma.’ ”

Mose I, 32:5

I ngɛ na, teji, to, kɛ nyɔguɛhi nyumuhi kɛ yihi. Ye nyɔmtsɛ, i tsɔ tsɔli nɛ ɔmɛ nɛ a ba ha nɛ o le kaa i ma we; i heɔ yeɔ kaa o ma he mi atuu.”

Mose I, 27:37

Isak he nɔ ke, “I pee lɛ o nyɔmtsɛ momo, nɛ i pee nyɛ e nyɛmimɛ ɔmɛ tsuo e nyɔguɛhi. I ha lɛ ngma kɛ wai. Lɔ ɔ he ɔ, ye bi, nɔ́ ko pa be nɛ ma pee ha mo!”

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Mose I, 23:6

“Wa nyɔmtsɛ, moo bu wɔ tue! Wa buu mo kaa hɛ mi nyɛɛlɔ ngua ko ngɛ wa kpɛti; yaa pu o yo ɔ ngɛ wa gɔ nɛ hi pe kulaa a mi. Wa ti nɔ tsuaa nɔ maa suɔ kaa e maa ngɔ lɛ nitsɛ e yɔkɔ kɛ ha mo nɛ o pu o yo ɔ ngɛ mi.”

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Mose I, 31:41

Kikɛ nɛ ɔ i pee nɛ i kɛ ye jeha nyingmi enyɔ sɔuu ngɛ o ngɔ. I tsu ní jeha nyɔngma kɛ eywiɛ, nɛ i kɛ ngɔ o biyi enyɔ ɔmɛ. Jehanɛ, i hyɛ o to ɔmɛ jeha ekpa, se kɛ̃ o tsake ye hiɔwo ɔ si nyɔngma.

Abɛ Womi 25:15

Ke o to o tsui si nɛ o kɛ matsɛ tu munyu ɔ, o ma nyɛ tsake e yi mi tomi. Ke sane ɔ he wa kaa tɛ po, munyu blɛuu nyɛɔ jɔɔ he.

Mose I, 25:30

E de Yakob ke, “Hwɔ ngɛ mi yee! Ha mi kikɛmɛ a nɔ́ tsutsu nɛ ɔ eko ma ye.” Enɛ ɔ he je nɛ a wo lɛ biɛ ke Edom ɔ nɛ.

Mose I, 33:14

Enɛ ɔ he je ɔ, ye nyɔmtsɛ, i kpa mo pɛɛ nɛ o sɛ hlami; i kɛ lohwe ɔmɛ kɛ jokuɛwi ɔmɛ maa hi nyɛɛe blɛuublɛuu kɛ yaa si wa ma ba na mo ngɛ Edom.”

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

Mose I, 36:9

Esau, Edom bi ɔmɛ a tsɛ ɔ nina ji nɛ ɔ nɛ.

Manyadali 5:4

Yawɛ, benɛ o je Seir, nɛ o hia kɛ je Edom kɛ ma a, zugba mimiɛ, nɛ hiɔmi nɛ. Niinɛ, nyu je bɔku ɔmɛ a mi pue si.

Yesaya 21:11

Sɛ gbi nɛ kɔɔ Edom he ji nɛ ɔ nɛ. Nɔ ko ngɛ ngmlaa kpae kɛ je Edom kɛ ngɛ bie ke, “Bulɔ, nyɔ mi mɛni be ji nɛ ɔ? Bulɔ, ngmlɛ nyɛmɛ a fia?”