Mose I, 32:29 - BAIBLO ALOO NGMAMI KLƆUKLƆU Ɔ

²⁹ Yakob de nyumu ɔ ke, “Jehanɛ lɛɛ moo tsɔɔ mi o biɛ.” Se nyumu ɔ bi lɛ ke, “Mɛni he je o ngɛ hlae nɛ o le ye biɛ ɔ? Kɛkɛ nɛ e gbaa Yakob.”

Mose I, 32:29 ပူးပေါင်းရင်းမြစ်များ

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Hiob 11:7

Anɛ o ma nyɛ maa na Mawu níhi nɛ a mi kuɔ a nya kɛ pi si lo? Anɛ o ma nyɛ maa na Mawu Ope ɔ nya tami he lo?

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

Mose I, 35:9

Benɛ Yakob je Mesopotamia kɛ ba a, Mawu je e he kpo ngɔ tsɔɔ lɛ ekohu, nɛ e gbaa lɛ.

Mose I, 17:5

A be mo tsɛe ke Abram hu; jehanɛ lɛɛ a ma tsɛ mo Abraham, ejakaa i pee mo je mahi babauu a tsɛ.

Mose I, 35:10

Mawu de lɛ ke, “O biɛ ji Yakob; se kɛ je mwɔnɛ ɔ kɛ yaa a, a be mo tsɛe ja hu; a ma tsɛ mo Israel.” Kɛkɛ nɛ Mawu wo lɛ biɛ ke Israel.

Mose IV, 20:14

Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;

Matsɛmɛ I, 18:31

E ngɔ tɛ nyɔngma kɛ enyɔ ngɛ Yakob nɛ Yawɛ wo lɛ biɛ ke Israel ɔ binyumuhi nyɔngma kɛ enyɔ ɔmɛ a wɛtso ɔmɛ a nya.

Matsɛmɛ II, 17:34

A hɛɛ a blema kusumi nɛ ɔmɛ a mi kɛ ba si mwɔnɛ ɔ. A ja we Yawɛ, nɛ mlaa slɔɔtohi nɛ e wo Yakob nɛ e tsake e biɛ kɛ pee Israel ɔ nina a hu, a yi nɔ.

Kronika I, 1:34

Abraham bi ji Isak, nɛ Isak bimɛ ji Esau kɛ Yakob.