Mose I, 32:26 - BAIBLO ALOO NGMAMI KLƆUKLƆU Ɔ

²⁶ Nyumu ɔ de Yakob ke, “Ngmɛɛ ye he nɛ ma ho; je ngɛ mi nae!” Yakob he nɔ ke, “I be hae nɛ o ya, ja o gbaa mi lolo!”

Mose I, 32:26 ပူးပေါင်းရင်းမြစ်များ

Hosea 12:4

Niinɛ, e kɛ Mawu bɔfo nɔ kunɔ, nɛ e ye e nɔ. E fo ya ngɔ pue bɔfo ɔ nɔ, nɛ e de lɛ ke e gbaa lɛ. E kɛ Mawu kpe ngɛ Betel, nɛ Mawu kɛ lɛ tu munyu ngɛ lejɛ ɔ.

La 67:1

Mawu, naa wɔ mɔbɔ, nɛ o gbaa wɔ, nɛ o na wa he bua jɔmi,

Kronika I, 4:10

Se Yabez fa kue ha Israel Mawu ɔ ke, “Mawu, i kpa mo pɛɛ nɛ o gbaa mi, nɛ o ha mi zugba nɛ kle. O kɛ mi nɛ hi si, nɛ o je ní yayamihi nɛ maa pee haomi kɛ je ye blɔ mi.” Nɛ Mawu ha lɛ nɔ́ nɛ e bi lɛ ɔ.

Lahi 3:4

Benɛ i be a he bɔɔ pɛ kɛkɛ nɛ i na lɛ, nɛ i fua lɛ atuu; nɛ i ngmɛɛ we e he kɛ ya si i kɛ lɛ ya su ye we ɔ mi, kɛ ya sɛ tsu mi he nɛ a fɔ mi ngɛ ɔ.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Mose II, 32:10

Lɔ ɔ he ɔ, moo hɛ mo kɛ ya se; i kɛ mɛ maa to ní nɛ ma kpata a hɛ mi; se moo lɛɛ ma ha o kɛ o weku kɛ nina maa bɔ kɛ pee ma kpetekpleenyɛ.”

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Yesaya 45:11

Bɔ nɛ Yawɛ, Israel Mawu klɔuklɔu ɔ, kɛ je ɔ bɔlɔ ɔ ngɛ dee ji nɛ ɔ nɛ: “Anɛ nɔ ko ngɛ he blɔ kaa e deɔ nɔ́ ko kɛ siɔ mi lo, nɔ́ nɛ kɔɔ ye bimɛ ɔmɛ a he jio, nɔ́ nɛ kɔɔ ye nine nya ní tsumi he jio?

Lahi 7:5

O yi maa si ngɛ o kuɛ nɔ kaa Karmel yo ɔ. O yi nɛ a gbɔ ɔ ngɛ kpɛe kaa bo nɛ hɛɛ alamua tu su; e peeɔ matsɛ po akɔnɔ.

Mose V, 9:14

Ha mi blɔ nɛ ma kpata a hɛ mi, nɛ́ nɔ ko nɔ ko kó kai mɛ gblegbleegble hu. Lɔ ɔ se ɔ, ma pee mo tsɛ ha ma ko nɛ kle, nɛ e he wa pe mɛ.’

Mose I, 32:25

Benɛ nyumu ɔ na kaa e nyɛ we Yakob ɔ, e fia Yakob mlɛ mi nɔ́, nɛ Yakob gbongu huã.

Mose I, 32:27

Nyumu ɔ bi lɛ ke, “Kɛ a tsɛɛ mo kɛɛ?” Yakob he nɔ ke, “Ye biɛ ji Yakob.”