Mose I, 32:20 - BAIBLO ALOO NGMAMI KLƆUKLƆU Ɔ

²⁰ Nyɛ hɛ nɛ hi nɔ nɛ nyɛ de lɛ ke, ‘O tsɔlɔ Yakob ngɛ wa se kɛ ma’ ” Yakob de ngɛ e yi mi ke, “I kɛ nike ní nɛ sɛ hlami ɔ ma kpata lɛ. Lɔ ɔ se ɔ, ke i kɛ lɛ kpe hɛ mi kɛ hɛ mi ɔ, eko ɔ, e kɛ ye tɔmi maa ke mi.”

Mose I, 32:20 ပူးပေါင်းရင်းမြစ်များ

Abɛ Womi 21:14

Nike ní nɛ a haa ngɛ laami mi jɔɔ abofu he kaa bɔ nɛ nyɔ mi ní haa mi mi la se poɔ ɔ.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Abɛ Womi 16:14

Ní lelɔ bɔɔ mɔde kaa e ma ha nɛ matsɛ nɛ na bua jɔmi daa; ke matsɛ mi mi fu ɔ, nɔ ko ma gbo.

Abɛ Womi 15:18

Nɔ nɛ woɔ e mi mi la a, e tleɔ pɛ si; se nɔ nɛ mi mi fu we mla a, e kpataa pɛ, nɛ tue mi jɔmi baa.

Abɛ Womi 6:35

E be kpatami nɔ́ ko hee ngɛ o dɛ; ke o ke lɛ ní babauu po, e bua be jɔe.

Matsɛmɛ I, 20:31

E tsɔli ɔmɛ ya de lɛ ke, “Wa nu kaa Israel matsɛmɛ ɔmɛ naa mɔbɔ. Lɔ ɔ he ɔ, ha nɛ waa ngɔ kpekpe ya bo kɛ muɔ wa mlɛ mi, nɛ waa ngɔ tangme ngɔ wo wa kuɛ, nɛ waa ya Israel matsɛ ɔ ngɔ kaa, alini e ma he o yi wami lo.”

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.

Mose I, 43:11

A tsɛ Yakob de mɛ ke, “Ke ja ji sane ɔ, lɛɛ nyɛɛ ngɔ zugba nɛ ɔ nɔ ní kpakpa amɛ ekomɛ kɛ wo nyɛ kotoku ɔmɛ a mi, nɛ nyɛ kɛ ya ke ganɔ ɔ. Nyɛɛ ngɔ tsopa nu bɔɔ, bila, hwo bɔɔ, kɛ tsopahi kɛ a he via bɔɔ, gigɛ bɔɔ, kɛ ngmɛ́ bɔɔ.

Mose I, 32:19

Yakob de tsɔlɔ enyɔne ɔ, etɛne ɔ, kɛ tsɔli ɔmɛ tsuo nɛ ngɛ lohwe ɔmɛ a nya a hu ke, “Ke nyɛɛ kɛ Esau kpe ɔ, bɔ nɛ nyɛ ma de lɛ ji nɛ ɔ nɛ.

Mose I, 32:21

Yakob kɛ nike ní ɔ mane, se lɛ nitsɛ lɛɛ e hwɔ sito he ɔ jamɛ a nyɔ ɔ mi.

Abɛ Womi 18:16

Nike ní bliɔ blɔ ha nɔ kɛ ya suu nimli nguahi a hɛ mi tɔɔ.