Mose I, 32:2 - BAIBLO ALOO NGMAMI KLƆUKLƆU Ɔ

² Benɛ Yakob na mɛ ɔ, e de ke, “Mawu hi he ji nɛ ɔ nɛ;” lɔ ɔ he ɔ, e wo lejɛ ɔ biɛ ke Mahanaim.

Mose I, 32:2 ပူးပေါင်းရင်းမြစ်များ

Samuel II, 17:24

Benɛ Absalom kɛ Israel bi ɔmɛ tsuo ke a poɔ Yordan pa a, David su Mahanaim momo.

Samuel II, 2:12

Ligbi ko ɔ, Ner bi Abner, kɛ Saul bi Ishboshet tsɔli ɔmɛ hia kɛ je Mahanaim kɛ ho Gibeon ya.

Samuel II, 2:8

Se Saul tatsɛ Abner, Ner binyumu ɔ ku Saul binyumu Ishboshet kɛ tu fo kɛ po Yordan pa a kɛ ho Mahanaim ya.

Matsɛmɛ I, 2:8

“Jehanɛ, Gera binyumu Shimei nɛ je Bahurim ma a mi ngɛ Benyamin wɛtso ɔ mi ɔ hu ngɛ. Lɛ ji nɔ nɛ gbiɛ mi kadikadi ligbi ɔ nɛ i ya Mahanaim ɔ nɛ. Se benɛ e kɛ mi ba kpe ngɛ Yordan pa a nya a, i ka lɛ kita ngɛ Yawɛ biɛ mi ke i be lɛ gbee.

Matsɛmɛ I, 4:14

Ido binyumu Ahinadab nɔ́ mi ji Mahanaim.

Matsɛmɛ II, 6:17

Kɛkɛ nɛ Elisha sɔle nɛ e de ke “Yawɛ, i kpa mo pɛɛ, bli e hɛngmɛ nɛ e hyɛ nɔ́.” Yawɛ bli niheyo ɔ hɛngmɛ; nɛ benɛ e ke e hyɛɛ ɔ, la okpɔngɔhi, kɛ la ta zugba lɛhi babauu ji nɛ ɔ ngɛ yoku ɔ nɔ nɛ bɔle Elisha kɛ kpe.

Kronika I, 12:22

Daa ligbi ɔ, ni hehi ba piɛɔ David tabo ɔmɛ a he. Enɛ ɔ he je ɔ, e we bi ɔmɛ a he ba hiɛ babauu nitsɛnitsɛ kaa Mawu tabo.

La 103:21

Nyɛ, Yawɛ tabo ɔ tsuo, nyɛ, e sɔmɔli tsuo nɛ nyɛ peeɔ e suɔmi nya ní, nyɛ je Yawɛ yi!

La 148:2

Nyɛ Mawu bɔfohi tsuo, nyɛ je e yi! Nyɛ e ta a tsuo, nyɛ je e yi!

La 24:10

Mɛnɔ ji kikɛmɛ a matsɛ ngua nɛ ɔ? Yawɛ Tabohiatsɛ ɔ, lɛ tutuutu ji matsɛ ngua a nɛ!

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Lahi 6:13

Shulam yo, doo koo; doo nɛ o po o he nɛ waa hyɛ mo. Mɛni he je nyɛ suɔ nɛ nyɛ maa hyɛ mi nɛ i ngɛ doe ngɛ kuu enyɔ nɛ a to slɛnɛɛ ngɛ hiɛ kɛ hiɛ a kpɛti ɔ?

Daniel 10:20

Kɛkɛ nɛ e de mi ke, “Anɛ o le nɔ́ nɛ he je nɛ i ba o ngɔ ɔ? I ba konɛ ma ba tsɔɔ mo nɔ́ nɛ a ngma ngɛ anɔkuale womi ɔ mi. Amlɔ nɛ ɔ, ma kpale ye se, nɛ i kɛ ganɔ ɔ nɛ buu Persia he ɔ ma ya hwu ta. Pee se ɔ, ganɔ ɔ nɛ buu Hela he ɔ maa ba. Nɔ ko nɔ ko be nɛ maa piɛ ye he, pe ganɔ ɔ nɛ buu Israel he, nɛ a tsɛɛ lɛ Mikael ɔ kɛkɛ.

Luka 2:13

Si kake too ɔ, hiɔwe bɔfohi a ta nguaa ba piɛ bɔfo ɔ he, nɛ a la kɛ je Mawu yi ke,

Yoshua 21:38

Jehanɛ, a ná ma eywiɛ ngɛ Gad zugba a mi. Ma amɛ ji Ramot ngɛ Gilead (wesa he ma amɛ a kpɛti kake), Mahanaim,

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”