Mose I, 32:10 - BAIBLO ALOO NGMAMI KLƆUKLƆU Ɔ

¹⁰ Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Mose I, 32:10 ပူးပေါင်းရင်းမြစ်များ

La 18:35

Yawɛ, o bu ye he, nɛ o he ye yi wami; o hyɛ ye nɔ saminya, nɛ i pee nɔmlɔ. O pɛtɛ ye he wawɛɛ, nɛ lɔ ɔ ha nɛ i ye ye he.

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Samuel II, 7:18

Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e de ke, “Nyɔmtsɛ Yawɛ, mɛnɔ ji mi, nɛ ye we ɔ hu mɛnɔmɛ ji mɛ loko o hɛɛ mi kɛ ba su he nɛ i ngɛ nɛ ɔ?

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

Luka 17:10

Enɛ ɔ kɔɔ nyɛ hu nyɛ he jã kɛ̃. Ke nyɛ pee níhi tsuo nɛ a fa nyɛ ke nyɛɛ pee ɔ, nyɛ de ke, ‘Wɔɔ lɛɛ sɔmɔli nɛ he be se nami kɛkɛ ji wɔ. Ní tsumi nɛ sa kaa wa tsu ɔ, lɔ ɔ pɛ wa tsu nɛ ɔ nɛ.’ ”

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

La 85:10

Mɔbɔ nami, kɛ anɔkuale kpe hɛ mi kɛ hɛ mi; dami kɛ tue mi jɔmi fua a sibi atuu.

La 84:7

Pɔ tɔɛ mɛ; mohu ɔ, a naa he wami he, nɛ a nyɛɛɔ kɛ ya suu Mawu hɛ mi tɔɔ ngɛ Zion.

La 61:7

Ha nɛ e ye tsɛ ngɛ mo Mawu ɔ o hɛ mi daa. Ngɔɔ o suɔmi nɛ be nyagbe ɔ, kɛ o we anɔkuale ɔ kɛ bu e he daa.

La 16:2

I de Yawɛ ke, “Yawɛ, ye Nyɔmtsɛ ji mo; o se ɔ, i pa be nɔ́ kpakpa ko hu.”

La 8:5

Nɛ́ o bɔ nɔmlɔ ɔ, nɔ́ ko bɔɔ pɛ lɛ mo, Mawu ɔ o ngɔ kɛ pe lɛ. Se o wo e hɛ mi nyami babauu.

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

Hiob 8:7

Hwɔɔ se ɔ, Mawu ma ha mo ní babauu nɛ maa hiɛ kulaa pe kekle nɔ́ ɔ.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Mose I, 32:7

Yakob tsui po wawɛɛ nitsɛ, nɛ e hao. E gba e we bi ɔmɛ a mi enyɔ, nɛ e gba to ɔmɛ, kɛ na amɛ, kɛ afukpɔngɔ ɔmɛ a mi ngɔ wo kuu enyɔ mi ja nɔuu.

Mose I, 32:5

I ngɛ na, teji, to, kɛ nyɔguɛhi nyumuhi kɛ yihi. Ye nyɔmtsɛ, i tsɔ tsɔli nɛ ɔmɛ nɛ a ba ha nɛ o le kaa i ma we; i heɔ yeɔ kaa o ma he mi atuu.”

Mose I, 30:43

Blɔ nɔ nɛ Yakob gu nɛ e kɛ na ní kpɔtɔɔ ji nɛ ɔ nɛ. E na tohi, nyɔguɛhi, afukpɔngɔhi, kɛ tejihi babauu.

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose I, 18:27

Abraham tu munyu ekohu ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Zu kɛ la zu kɛkɛ ji mi, nɛ i be he blɔ nɛ i deɔ nɔ́ ko.

Samuel II, 17:24

Benɛ Absalom kɛ Israel bi ɔmɛ tsuo ke a poɔ Yordan pa a, David su Mahanaim momo.

Mose I, 24:12

Tsɔlɔ ɔ fa kue ha Yawɛ ke, “Yawɛ, ye nyɔmtsɛ Abraham Mawu! I kpa mo pɛɛ, ha nɛ ma ye manye mwɔnɛ ɔ, nɛ o je o suɔmi kpo ha ye nyɔmtsɛ Abraham.

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 31:3

Kɛkɛ nɛ Yawɛ de Yakob ke, “Kpale o se kɛ ho o weku li a ngɔ ya, ngɛ o tsɛmɛ a zugba a nɔ. I kɛ mo maa hi si.”