Mose I, 32:1 - BAIBLO ALOO NGMAMI KLƆUKLƆU Ɔ

¹ Benɛ Yakob ngɛ blɔ ɔ nɔ kɛ yaa a, e kɛ Mawu bɔfo komɛ kpe.

Mose I, 32:1 ပူးပေါင်းရင်းမြစ်များ

La 91:11

Mawu ma ha nɛ e bɔfo ɔmɛ maa bu o he ngɛ he tsuaa he nɛ o maa ya.

Hebribi 1:4

Mawu ha nɛ e Bi ɔ pe hiɔwe bɔfo ɔmɛ tsuo kaa bɔ nɛ biɛ nɛ e wo lɛ ɔ hu he jua wa pe a nɔ́ ɔ.

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

1 Korintobi 3:22

Paulo jio, Apolo jio, Petro jio, je nɛ ɔ jio, wami jio, gbenɔ jio, amlɔ nɛ ɔ jio, hwɔɔ se jio, ní nɛ ɔmɛ tsuo ngɛ ha nyɛ.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Mose I, 18:33

Benɛ Yawɛ kɛ Abraham tu munyu gbe nya a, Yawɛ je e he, nɛ Abraham hu kpale kɛ ho we mi ya.

Mose I, 24:60

A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Mose I, 31:28

O ha we po nɛ i kɛ ye bibi ɔmɛ, kɛ ye biyi ɔmɛ nɛ ye sɛ. O ye kuasiahi a sane.