Mose I, 31:54 - BAIBLO ALOO NGMAMI KLƆUKLƆU Ɔ

⁵⁴ Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.

Mose I, 31:54 ပူးပေါင်းရင်းမြစ်များ

Mose II, 18:12

Mose ngatsɛ Yetro ngɔ sami bɔ, kɛ bɔ kpa komɛ ba ha Yawɛ, nɛ Aaron kɛ Israel ma nimeli ɔmɛ tsuo ba, nɛ a kɛ Mose ngatsɛ ɔ ba bla kɛ ye bɔ sami ní ɔ ngɛ Mawu hɛ mi, nɛ a kɛ ja Mawu.

Mose I, 37:25

Benɛ a hii si nɛ a ngɛ ní yee ɔ, a na Ishmael bi blɔ hiali komɛ ngɛ afukpɔngɔhi a nɔ nɛ a ma. A je Gilead, nɛ a hɛɛ tsopahi kɛ a he via kɛ yaa Egipt.

Mose I, 26:30

Isak tsɛ mɛ ní yemi nɛ a ye ní, nɛ a nu nɔ́ ko.

Mose I, 21:8

Jokuɛ ɔ ba wa, nɛ a tsɔ lɛ nyɔ. Ligbi ɔ nɛ a tsɔ Isak nyɔ ɔ, Abraham ngmɛ okplɔɔ ngua ko.

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”

Ezekiel 44:3

Ganɔ ɔ pɛ lɛ ngɛ he blɔ nɛ e yaa lejɛ ɔ. E ma nyɛ maa hi lejɛ ɔ kɛ ye ní ngɛ Yawɛ hɛ mi. É gu kue ngua a nɛ ngɛ se je ɔ mi kɛ ya, nɛ é gu lejɛ ɔ nɔuu kɛ je kpo.”